假如...

[willy]

小時候, 老師愛問我們將來的志願. 同學通常的答案是: "我想做xx師". 細心回想, 老師這個問題都很有心思, 因為他可給我們有個發白日夢的機會, 但又不會想得太遠和太複製. 留意, "我想做" 應理解為 "I wish I were". 因此, 我們的志願通常是不會成真的.

中學時, 學懂了什麼是邏輯. 這個工具很有用, 他能幫我們做一些"理性"的分析,思考和決定. 以我所見邏輯中的, Conditional Statement, "IF..THEN.." 應是最有用的. 所以小時間我的志願問題: "你大個想做乜?", 可以被理解為: "假如大個左可以任你揀, 你會做乜（工作）?" 留意"大個左可以任你揀"這個前提(hypothesis)是沒有機會成真，所以我們答什麼也可以, 大話西遊, 不用負責任.

大學時, 發覺邏輯有其局限性, 因為它將世界兩極化: 真與假. 如<<變形金剛>>中的狂派是反派, 博派則代表正義的, 忠奸分明. 但現實世界中, 又怎會只有黑色和白色? 這時我又接觸到另一個工具，叫做模糊邏輯(Fuzzy Logic). 不想說得太深入, 模糊邏輯的精髓就是不但有真假, 還有好真, 有d真, 有d假, 好假...好似我昨子看蘋果, 它說緬甸玉有分A,B,C,D貨一般.

出來做事後, 發覺"假如"這個詞語的使用是相當普遍的及好用的. 很多女生會問男朋友:"假如我同你媽咪一齊掉咗落水, 你會救哪一個先?", 聰明的男士當然是懂得順水推舟, 哄一下女朋友. 上司指派下屬做事: "假如有需要, 會要你接手果個Job.", 可能過兩天你手上又多了個豬頭骨任務. 有人做錯事, 想自首, 又怕別人責備, 會說: "假如我做錯左野, 你會唔會原諒我?"...

現代人生活壓力大, "假如"又可幫大家有個冥想空間, 以便減減壓. 被上司欺壓後心心不憤, 想一下:"假如我連升兩級, 一定會姶你好看...". 每天不停的工作, 心身疲纍, 想一下:"假如公司放我三個人有薪假期, 我會...哈哈哈". 我身為一個草根階層, 最愛想的假如問題就是: "假如我中了六合彩頭獎(要三千萬以上果隻), 我會...". 可能就因可以有個發大達的美夢, 才使我有買六合彩的動力. (我不賭博, 也不是在鼓勵別人賭博, 但我還是會買六合彩. 而中六合彩頭獎的機會, 是１３，９８３，８１６份之一)

我喜歡實力歌手, 杜麗莎是其中之一. 她那首<<假如>>我很是喜愛:

假如 - 杜麗莎
曲︰羅大佑
詞︰林敏聰
編︰NATHAN WANG

假如　真的要我跟你分別
假如　真的要說分手
請求　把我愉快記憶都洗去
才能免我一生也在默默痛苦

假如　真的要我跟你分別
請求　不要讓我知道
假如　干了淚水中的雙眼
可否不再剩下我不顧

＊只求　再度尋獲你曾在心頭
留低〔燃燒〕的愛　跟那情深的維護
請容　我在期望有日在將來
能讓你會明白我仍在痛苦

＃假如　不許我再跟你生活
世上　不必存著有我
假如　天意讓我此生得不到你
不必需要有天意

[beaniebean]

Willy呢篇文章確實好高深難明 ... 當中包括hypothesis, logic 同fuzzy logic ...

原來係小學、中學、大學、到出來社會工作 ... 不同時期既 “假如”, 都會有所不同.

唉....................唉.........................唉......................R哂頭............... 因乜解究Willy會話佢係草根呢? 如果佢係草根, 豈不是大把人(包括我在內)係一pat瀾泥... 可能Willy患咗嚴重既 “過份謙虛症”...

不過, 呢篇msg有一項驚人發現. 呢樣就係... 一向不談音樂既Willy竟然罕有地推介咗一首歌, 仲post咗啲歌詞係度. 哈哈.... 真係唔似佢既作風.

當然啦, 杜麗沙把聲一向好“林”, 我最喜歡見到佢成日笑笑口唱歌既様, 一副陶醉到不得了既表情. 我遲啲會買佢同林子祥今年演唱會既碟嚟聽先至得.

假如... 呢首歌係Willy一時觸感既心聲, 我叫能講一聲 "Cheer up 啦!!!" (Willy: 傻!!! 我不知幾happy.)

假如... 我上述既“假如”又再次誤解Willy既諗法, 只能盡快閃... 閃... 閃... 逃離現場 (費事俾佢炳)

由於講開"瀾泥", 我又無喱頭地post咗許志安舊歌既<<瀾泥>>. 如果我無記錯, 當年某個音樂頒獎典禮中, 許志安唱到喊哂口, 歌詞實在太慘喇~~~~~~ 所以, 都係唔好做一pat瀾泥lu.

作曲: 李峻一
填詞: 李峻一
編曲: 陳輝陽@好好笑

妳　最盛放的玫瑰
流芳百世　怎可瞬間枯萎
我願意留低　捨身去墊底
任滿天花瓣散落這污泥

我　會為妳躺下去
全身貼地　方使妳企得起
化做了塵土　腐化中等妳
甚至輸出我養份全部直至死

＊願可做妳　腳下那堆爛泥
　來守護妳　我未理身上那污穢
　別輕視我　縱是這種爛泥
　能滋潤妳　耗盡每分讓妳艷壓一切＊

我　暗地裡等下去
寧可遠望　不可對妳觸摸
眼淚也流乾　讓妳可解渴
甚至輸出我血液無懼被刺死

REPEAT＊

願可下世　再做這花下泥
來守護妳　我願意躺在最污穢
別捨下我　縱是這種爛泥
能親近妳　縱被妳踩在腳下也矜貴

[willy]

[beaniebean]

請放心. 呢度啲人個個都知你係斯文人, 佢哋有雪亮既眼睛同清晰既頭腦, 又點咁容易會被我片面之詞而誤導呢.

其實“俾人炳”呢幾個字係我既口頭禪.

唔同既人對 “炳”呢個字有唔同既定義.

“炳”在我的定義裡是不包含“武力或暴力”, 但有唔同既層次, 要視乎當時既情況. 我暫時諗到既層次有呢幾個: 俾人話, 暗串, 明串, 鬧, 責備, 呼喝, 斥責, 照肺, 鬧爆... 等等

所以, 我經常都會話 “驚俾人炳”, 而呢啲人包括: 阿爸, 阿媽, 老細, 同事, 朋友, 路人甲乙丙丁茂...

哦. 原來 “草根階層” 既正確定義係咁既. 不過, 所定既標準真係有點高.

假如... 有個家庭只得1個人, 而佢個人既收入接近$25K的話, 已相當唔錯.

假如... 有一對退咗休既夫婦, 佢哋有幾個仔女已出嚟做嘢, 本屬中上或高收入階層. 但咁啱個年雙春兼閏月, 啲仔女係同一年結哂婚及搬走哂, 結果就即時變為 “草根階層”.... 有點似過山車咁...

“草根階層” 呢四個字, 真是可圈可點. 我真係要重新去理解箇中既意思, 且不要存有貶義.

不過, “草根根層”呢個名稱確實係麻麻哋, 唔知可唔可以好似中學會考咁, 啲成績級數由ABCDEF改名為5*54321...

另外, 買六合彩其實也不是草根階層的專有喜好. 好似我既舊老細, 我估計佢應該屬高收入階層, 但仍然好喜歡買六合彩, 仲要係買電腦飛10期個隻(即合共40條). 我最怕佢買六合彩, 原因係....