........... 除團費外, 保守估計至少要預多$3K係機場稅、保險費、燃油附加費、領隧/導遊費等等, 真係 “未見官先打八十”. 仲有嗰啲自費節目, 真係無眼睇~~~面對住強勁既歐羅、澳元同紐西蘭元, 只能慨嘆 “今時唔同往日”, 同類型既團費相比一兩年前至少貴20%.
想當年, 雖然盤川不多, 但諗都唔諗就話去... 反而, 份工越做得耐, 就越覺得錢係好難賺, 所以就會絲絲點點計算, 同埋考慮好多其他因素.
究竟今次去邊度好? 係咪忍痛將荷包豁出去, 返嚟先死慳死抵呢? 呢個問題都係遲多一兩日先諗.
近呢幾個月, 物價高企, 我最喜歡吃的豬豬牌午餐肉也無聲無息地加咗20%, 其他更加唔駛講(例如: 我另一喜愛既M記雞翼也加了20%).
高收入人仕當然應該多點消費, 但好似我呢類小小既打工仔只能多用腦汁去精打細算.