又過一年了, Happy Birthday!!!

[beaniebean]

又過一年lu, 親愛既你大個咗又靚女咗. 雖然你已很少嚟呢樹, 但希望有一日你心血來潮既時候, 會睇到呢個Happy Birthday 既msg. 哈 ~

近期激凍既天氣, 令到我寫作既細胞都凍到結哂冰, 所以就簡簡單單祝你: 生日快樂, 開開心心, 可愛又省鏡, 甜甜蜜蜜, 事事順利, 步步高陞, 家庭愛情事業都Bravo & Wonderful ..........

Bean係一個懶人, 除咗用中文同你講 “生日快樂”外, 我“參(=抄)”考咗yahoo資料(http://hk.knowledge.yahoo.com/question/ ... 7042803825)用其他外語同你講 “Happy Birthday”. 哈...仲趕得切係16/2 講.

Joyeux Anniversaire (法文)
Buon Compleanno (意大利文)
誕生日おめでとう (日文)
Alles Gute zum Geburtstag (德語)
Ευτυχή γενέθλια (希臘語)
축 생일 (韓國語)
С днем рождения (俄語)
Gelukkige Verjaardag (荷蘭語)
Feliz aniversario (葡萄牙語)
Feliz Cumpleaños (西班牙語)
Har den äran (瑞典語)
Chui sinh rihat hanh (越南語)
Gratulerer med dagen (挪威語)
Tavallodat mobarak (波斯語)

[willy]

wow, 阿bean, 乜你又咁好記性.

[beaniebean]

Willy, 你既記性比我好很多, 最厲害的是能好好地去選擇運用, 留番啲Quota, 確係很高既層次.

Willy失踪了一段時間. 經Bean胡亂推測, 有以下幾個可能性:
1) 寒流襲港, 佢愉快地去咗冬眠
2) 中咗六合彩, 去咗馬爾代夫un un 腳嘆世界, 係充滿陽光、海風及靚女既沙灘上, 一邊飲佢最鐘意既汽水, 另一邊就睇吓書、曬吓太陽, 間中又在碧波中暢泳, 真是人生一大樂事
3) 家有喜事, 所以太忙
4) .... (新年流流, 呢樣唔講得, 會俾人炳. 不過, 見佢又蒲頭, 就知佢仲好健在)

天氣回暖, 發嗡風既細胞開始甦醒了.

[willy]

不是呀都, 因為太懶. 吃飽就睡.

[beaniebean]

Bean: 嘩, 吃飽就睡, 小心多咗個小肚腩.

Willy: 無有怕, 我經常有充足既運動, 不知幾Fit. 你顧掂自己先算啦.

Bean: 咁又係...

[potassium]

BEAN! 實在係好感人呀！ 我真係心血來潮嚟咗呢度，發現咗呢個生日祝福！！

轉咗新工真係忙到九彩，一日做14-15粒鐘，一個星期連扯7日，個msn開住只係假象，係唔functional的！

不過4月過後，5月應該可以正常返 -- 不過就算正常返，我都係返shift~ 仍然係會夜媽媽on住line但原來係喺公司唔傾得計~~

再一次多謝bean咁有心同咁好心機抄考咁多生日祝賀語~~~~ 錫啖先！


P.S. 唔知你又幾時會心血來潮上嚟見倒我覆咗呢個msg呢~

[beaniebean]

啱啱讀咗幾個鐘頭書, 正是悶到爆炸, 開始昏昏欲睡既時候, 諗住搵啲嘢嚟做去對抗周公, 結果俾我睇到Pot妹既msg... 突然之間我又精神番哂.

Pot 比我剛剛認識佢時忙了很多很多, 現在每次上msn, 通常都見佢顯示OT-ing, 實在不敢打擾...

希望佢既工作高峰期快啲過去, 唔好再咁辛苦就好喇...

我也決定咗在6月初考2科, 預計在6月中才會得閒. 到時再找機會搵埋其他網友玩番一兩舖Xword, 好讓我哋一齊懷緬吓過去係game room既日子. 對我來說, 那些日子雖短, 但卻無忘記喎, 因為很有趣嘛.

嘩.... 你嗰句"鍚啖先".. 真係冧爆 ... 我差啲暈咗落地... (講笑啫)

希望你下一次心血來潮嚟呢度留言, 不會太久吧!!! 等緊你呀 ~~~~

P.S. 祝你早日儲齊你心愛既Bo Bo, 咁就可以有好多Bo Bo陪住你喇!

[willy]

哈, 重以為pot在密運中, 所以忘記左有weweweb tim. 原來係份工忙到七彩. 不過阿pot唔係文職嗎? 為何要返shift架.....

無論如何, 希望大家有空的時間可上weweweb共鈙, 到時又可吹下水, 講一下近況.

[potassium]

WILLY呀！仲好講！我上唔倒weweweb呀！！留咗msn俾你你又冇回音，可能你冇on msn掛~~~~~

哈哈！我又心血來潮上嚟~~~ 又發現咗bean妹覆咗我~~~
bean妹，你咁鬼上進嘅？！又考乜？我過咗peak喇，但間唔中都係要OT，唉~ 好赲~~ 下一次嘅peak應該係7-9月，都唔知到時復原未~~ 另外，我一早換齊6隻bobo lu~~~ 呵呵呵

willy~ 我係文職呀~ 但做翻譯呀，主要做financial translation，即係幫啲上市公司譯嘢，所以要返shift~ (因為啲公司每日限23:00前喺聯交所post announcements，所以我咪要返1000-1900或1400-2300囉)

willy你好搞返掂個weweweb俾我上去X喇！我好想玩xword同bridge呀！！

[willy]

hi 靚女阿pot, 又見妳現身. 好高興. 乜你入咗行做finance呀? 好似話果行好好搵, 求求其其一個洗厠所阿嬸都有十幾二十個月bonus, 妳重做咁高層咁咪好肥, 不如妳出bonus果時, 找我們weweweb一班小眾去興一興佢喇

至於 weweweb 好似冇乜問題wor, 我口岩口岩先入左去, 重見到忠實fans阿mark玩得不知幾開心. 不過妳有問題MSN比我可以, 不過問題係我好少開, 因為要避仇家. 下次妳有問題咪電我口羅, 我一定support你架.

[beaniebean]

Pot妹... 我宜家唔得閒, 遲啲再覆你既問題.

Willy咁受歡迎, 點會有仇家呢? 佢話因仇家而唔開msn, 其實只是一個美麗的藉口啫. 至於係乜東東原因, 只有佢先知囉.

[potassium]

Willy，你睇漏咗喇，我係做financial TRANSLATION，同啲財經人冇關係，而洗廁所啲阿嬸的確係比我高幾倍人工，如果想搞weweweb「慶一慶宴」，我建議先吸納財經廁所事務員入weweweb~~~~

我仲未上倒weweweb呀！！眼巴巴睇住阿mark超越我喺Weweweb Best Fans入面嘅ranking！好唔開心！！你快啲「支持」我啦willy！

bean妹好忙？hehehe...

[willy]

今天真開心, 阿pot又可以上翻weweweb喇.

同佢吹多兩下水, 發覺佢又靚左好多.

個天真係好公平, 你係某一方面失去左某些東西, 另一方面就會有一定的補償.

靚女pot, 請繼續努力.

[potassium]

haha...willy，我會繼續努力挨騾仔

[beaniebean]

好嘢!!! 終於放監... 我啱啱係11/6考完試, 頭半年既小小目標可算達成, 是否合格就唔知囉, 10個星期後先會出結果. 因為米己成炊, 我也不想太多, 反正要好好享受呢段鬆了一口氣的時間, 事關我又打算12月再繼續考試.

有些人完成了某個階段的學業, 便會斬釘截鐵不再讀書. 其實, 這也是一件非常好的事, 我也很羨慕他們. 起碼他們可以全心全意地去好好利用時間去享受人生.

讀書對我來說, 可說是一個苦海(好苦個隻), 但至於點解我還要繼續墮入苦海中, 原因可能是盡量避免在這個競爭激烈的社會中成為最早被淘汰的一群. 老實說, 讀咁多都無鬼用, 事關所讀既都係同工作無關, 就算讀點好也是徒然. 不過, 到我老了又不幸地無錢的時候, 我諗都可能有人肯我做一個小小的收銀員.

哈, 我實在不想做一個廁所事務員又或者是洗碗事務員, 事關以我這麼一個工作"認真"的人(可能有點自誇), 必定會把廁所及所有碗碟筷子洗得"立立令", 咁我一定會積勞成疾而...

都係唔好講咁多自己既嘢悶親你...

Pot妹, 雖然從你同Willy的以下對話中及你平時的MSN標語, 可看出在工作上有點無奈... 唉, 我也有點感觸, 好似有好多嘢想講, 事關我也在挨緊騾仔, 點會唔知箇中感受.

近日也聽了一些朋友講及佢自己及其他人的工作情況, 其實呢個世界... 唔知叫做公平定係唔公平 ? 遲啲有時間再講...

Anyway, 靚pot... 請繼續努力. 不過千祺唔好挨殘呀... 你係weweweb之花... 嘿嘿嘿... 再加上Willy很喜歡靚女, 你要越keep越靚呀~~~