被標籤咗

[beaniebean]

近日因衰多口, 發問得太多, 終於被人冠以一個新稱呼, 感覺有點被標籤咗.

或許, 可能會有人覺得肥bean是否對呢個新稱呼太過敏感, 又或者患上咗"被標籤迫害妄想症".

Ummm, 我可以肯定的說, 我絶對無患上"被標籤迫害妄想症", 但至於是否過敏, 我正在思考中.

由於自己諗既嘢可能有bias, 所以我決定做個survey, 向身邊的好友或同事問吓(最好越多越好, 咁個Survey既可信性會較高), 如有人咁樣稱呼佢哋, 佢哋內心會是如何:
1) 一笑置之
2) 闊佬懶理
3) 好開心
4) 好hurt
5) 好唔開心
6) 好黯然
7) 好唔舒服
....
,,,,

但我也要在適當既時候先敢問佢哋, 因為分分鐘呢個問題會令到佢哋唔開心就唔好. 我已問了一個細我一截既屋企人, 以佢既年紀, 別人一定不會咁稱呼佢, 而佢既答案係... 覺得那個稱呼含有貶義, 所以也不喜歡那個稱呼.

由於我份人好八掛, 我也在網上找過那個稱呼的真正定義及其出處... 結果是眾說紛紜.

Anyway, 肥bean, 唯有接受現實, 坦然面對吧!

另一方面, 我會改行只做聆聽者, 並盡可能不再做發問者, 最多間唔中搭吓嘴.