WeWeWeb .NET

琴日同willy講緊中學生係最容易學壞的高危一族. 今日就即刻撞到學壞左嘅中學生...

詳細情形係咁嘅: 今日我同我朋友搭巴士. 見到有2個位就坐低左. 雖然後面有幾個染哂金髮嘅中學生(唔係話所有金髮仔都係壞人...不過佢地個樣好似好曳咁), 但係我地都冇理到, 照坐. 初初冇乜野, 之後我朋友同我講話後面有個人拍佢肩膀, 我地都冇理到-可能佢只係唔小心. 再一陣後, 佢好大力咁踢我張椅!

你地點睇? 如果你係我, 你會點做?

{hehe~第一次發表文章!}

佢哋好可能係度搞事, 又或者想認識你哋. 但點都好, 咁大力踢你張椅係好有問題, 十分之無禮貌.

由於你哋年紀尚小, 斷估都唔夠神高神大... 如我係你, 且有guts既話, 會好正經咁同佢哋講"請唔好再踢", 但如你已好驚既話, 咁就快啲同你個朋友走為上著.

宜家啲壞人有時係無樣睇. 就好似今日又有一單新聞, 連同前排嗰單, 同類事件已出現2次, 非常嚇人. 由於嗰2單新聞都好噁心, 故不便再提. 只能慨嘆原來呢個世界有咁多披著羊皮既人存在. 所以, 最緊要係懂得分辨善惡, 唔好佢話乜就乜, 要用腦思考及分析, 並且時常保持警覺.

總之, 一有唔對路, 一定要say no, 盡快逃離現時, 有需要時要大叫教命及報警...

唔好意思, 講講吓好似離咗題添...