小腿也要打Botox

無無聊, 吹下水先
beaniebean
Knight-Champion 一等騎士
Knight-Champion 一等騎士
Posts: 1610
Joined: Fri Sep 01, 2006 10:06 pm
Location: 藍星
Contact:

小腿也要打Botox

Postby beaniebean » Fri Jun 26, 2009 1:22 am

近日有單新聞, 話有位復出既女藝人為咗能在更好的狀態下展現人前, 於是在小腿位置打了幾十針Botox去令甲組腳消失.

哦...... 我可能是井底之蛙, 一直只諗到Botox用來打面, 但原來仲可以打係身體其他位置.

早前, 在game room與網友無喇喇談起整容呢個話題. 原來唔少人都覺得整容好正, 並好支持整容.... 噢, 或許我這位老人家還停留在幾十年前既落伍思想. 怪不得現今既靚人, 在街上隨處可見, 數量好似比以前多咗好多好多. 咁究竟佢哋係先天已係生得咁靚, 定係靠後天既外在修飾, 還是後天既內在改造呢? 那就不可而知. 事關你唔會眼定定咁望住你懷疑對方整容既部位.

整容是個人既抉擇, 旁人不便多加意見. 但如你身邊已有別一半時, 最好就諮詢吓佢既意見, 否則, 整咗之後先通知佢(或俾佢後來發現), 佢一時接受唔到, 唔知會有乜嘢後果.

最近, 深圳已有一單因整容而喪命既個案. 早前, 亦有一位香港男士因貪平去台灣整容而失敗既個案. 報紙話佢本身已好俊朗, 但仍嫌嗰鼻唔夠靚, 結果手術失敗導致鼻肉增生而引發一連串問題, 最後做完個補救手術後, 嗰鼻就變到好似成大哥咁上下.

愛美是人之常情. "愛靚唔愛命"對好多人嚟講都係事實. 連最高領導人也特別喜歡靚人便可知一二... 做靚人不但經常俾人讚, 仲特別多著數. 好像<<反轉豬腩是王子>> 呢套片有一段內容正正反映現實. 醜男在擠迫的車上不小心碰到側邊的一件豬扒, 豬扒就很厭惡, 認定對方係色狼; 但當醜男著了纖型老西後成為個靚仔, 在同一個擠迫的車箱再還上豬扒, 結果豬扒被美男碰了一吓, 佢即刻冧哂.

對我來說, 現階段最重要係.....用"最便宜"既方法去減肥, 並有足夠既睡眠令面色好啲及黑眼圈無咁勁. 當成個人清減咗, 精神好咗, 人都會smart啲. 至於整容呢家嘢, 我這個small potato, 一來無多餘錢花係呢方面, 二來又無膽, 怕痛又怕死, 驚越整越樣衰就慘不忍睹. 我還是做一個小小的旁觀者好過.

肥Bean, 不要氣餒, 請努力減肥吧~ (今舖好認真及好有決心, 已設定目標係今年9月前減至1x0磅, 一於坐言起行.) :mrgreen:

Who is online

Users browsing this forum: No registered users and 13 guests