Crazy Sale 帶來的...飲恨感覺

無無聊, 吹下水先
beaniebean
Knight-Champion 一等騎士
Knight-Champion 一等騎士
Posts: 1610
Joined: Fri Sep 01, 2006 10:06 pm
Location: 藍星
Contact:

Crazy Sale 帶來的...飲恨感覺

Postby beaniebean » Thu Nov 26, 2009 7:20 pm

我份人對AL係好孤寒的, 無乜必要都盡量唔會申請AL放假... 但因要清假且諗住揾啲時間做吓自己嘢, 所以是日請了一天AL.

由於知道沙田某百貨公司(一X)今日大特價, 而且今日既其中一款減價精選...係一個有豹紋圖案的哈佬吉蒂旅行喼(限售100個)... 嘩, 折扣率好高, 嗰款幾靚又好似好抵咁. 於是早上十點幾我會便去到(開門時間是早上九點), 但當時人頭湧湧的場面遠遠超出我的想像.

唉, 人多的程度有如行年宵, 水泄不通, 你推我撞(當時已見了幾個師奶為咗推撞問題而想開火). 幾經辛苦, 我先揾到售賣哈佬吉蒂旅行喼的架部... ((((噢)))), 實在極之掃興... 事關那兒已貼上"售罄"兩個字.... 我的天呀 :shock: :shock: :shock: ~~~~~~~~~~~~~ 為何我會與哈佬吉蒂旅行喼無緣呢? 太慘... 唯有退而求其次, 揀了另一個米奇旅行喼, 可恨是價錢較貴、折扣率無咁勁、外型無咁靚、質料無咁實淨.

我實在太低估香港人既購買慾望, 並且從來無估計到係呢啲weekday既時段都可以有咁多人係度Shopping. 佢哋既購買能力實在好強悍, 一個人可以一抽N件, 一袋N袋滿足地消費.

我都未試過排隊俾錢可以等咁耐(至少半小時), 條龍尾好長好長. 可能人人都買好多嘢, 所以收銀員只能用龜速去縮短條龍既長度.

每當我見到幸運兒拖著個戰利品(即是哈佬吉蒂旅行喼), 我就會用羨慕的目光盯著啲旅行喼. 唉, 吃不到的葡萄是非常甜美呢! :cry:

今日, 我既感受係:
1) 一X百貨的大減價, 啲顧客實在很瘋狂, 絶對係意料之外, 比CWB的SXGX百貨大減價時更勁爆.
2) 好多香港人經常話窮, 其實只是收收埋埋啲錢係適當時間才拎出嚟豪駛而已. 如我不是看中那個喼, 也不會山長水遠入沙田. 我實實在在是個比佢哋窮好多的人, 我買這個喼是長用的. 因屋企無位, 也不能亂買. 如嗰喼同我一樣夠長命的話, 希望可用至少10年.
3) 有人話香港經濟仍是麻麻地, 但如你看到啲顧客既瘋狂程度, 實在覺得佢哋嗰嗰都好有錢. 而且, 很多香港人都好幸福, 唔駛返工揾食之餘仲可以豪駛$$$.

最後, 我心儀的哈佬吉蒂旅行喼... 我們無緣了, 最好以後唔好俾我見你... 費事又勾起飲恨的感覺. :(

今日呢啲場面對我來說都幾驚嚇, 所以忍唔住係呢樹寫下小小的感受... :x

Who is online

Users browsing this forum: No registered users and 1 guest