WeWeWeb .NET

真相大白時, 可能是驚喜開心或難過失望. 昨日我也知道了一個真相, 心裡覺得....

不知是否因這個原因, 一向甚少失眠既我竟然半夜4點幾扎醒咗. 之後個腦細胞就好活躍, 係度思前想後, 反覆反覆地圍繞一些問題或事情.

結果... 我估計失眠了約2小時又ZZZ番, 可恨又差不多是起身上班的時候.

失眠... 係一件好痛苦的事. 如長時間失眠, 就更加苦不堪言, 其苦況不為外人所知. 在我認識的人中, 也有2個失眠嚴重的人, 一個是朋友(生了很多暗瘡), 另一個是同事(身型突然暴脹, 水腫個隻). 我估佢哋身體被失眠搞到唔好, 都有失調情況出現. 老實說, 作為旁觀者既我, 都好替佢哋擔心. 我曾問佢哋點解失眠, 佢哋又好似唔知原因咁. 我也明白到現實生活中有好棘手嘢, 不自覺地形成為包袍, 連去ZZZ都要帶埋一齊. 又或者要面對一些糾纏不清及解決不了的人與事, 也令人痛苦而無法入睡.

唉, 長期失眠不是一時三刻可治好的問題. 我不是醫生也不是心理專家, 但希望天下間失眠的人也可以日日有覺好瞓, 可以同周公打牌, 飲杯茶食個包, 吹吓水. 咁就皆大歡喜.

日出而作, 日入而息... 晚上ZZZ是人類一向的習慣模式, 但對一些失眠的人來說, 卻是難度高的事嚟.

世事係無必然的... 大家要好好珍惜每晚能熟睡的時刻喇!