《大行報告》高盛升級匯控(0005.HK)「買入」，提價看84元

[willy]

大行又出報告吹熱個市. 我啲匯豐快見到家鄉了. 跟紅頂白係投資界一個自然現象. 一於有理冇理: 升升升!

Source: http://hk.biz.yahoo.com/090511/263/3dd0u.html?s=0005.hk

[beaniebean]

最高領導人, 真係戥你高興 , 咁快已見到家鄉. 在替你高興的同時, 我feel 到我同HSBC的緣份越來越遠.

近日股市大升, 我的股票中, 只有1手的港交所到了家鄉, 而另一隻股數及總金額最多的股票, 現時仍有三份一的段距離先至返到屋企. 其他的股票, 都係唔好提.

無計, 我唯有日日都祝願佢生意興隆, 業務蒸蒸日上, 派多點花紅(最好至少1個月以上)給員工. 過多一兩年, 佢回到家鄉之餘又繼續上升既話, 咁我就老懷安慰囉.

[beaniebean]

近呢幾日, 港股又突然升到hur hur聲. HSBC於13/7曾見過$61後, 但昨日收市價已升到$68.3.

呢一兩日, 有唔少新聞話睇好港股下半年既走勢. 請問大家點睇呢? HSBC是否是入市既時候呢?

[willy]

唔.....匯豐銀行看來60元有強大支持, 如果沒有壞消息, 呢個價係好難跌破. 不過世事冇絕對, 我計劃60元樓下才會買入.

[beaniebean]

6/8的HSBC收市價係$85.2.

早幾日先聽聞一位高人話係$85既時候會賣啲出去, 估唔到言猶在耳既時候, 佢既目標價已逹到. Ummm, 怪唔得佢份人一向都咁幸福.

係呢啲高位, 實在難於入貨, 內心總覺得好唔值咁. 希望大市快啲有個調整期, 咁樣升法, 實在好嚇人. 夠究經濟環境係咪咁好, 大家都心裡有數.

"本來無一物, 何處惹塵埃"...肥Bean真是庸人自擾! 希望能早日明白呢個道理. 如能徹徹底底地死心, 反而是件好事嚟. 唉~

[willy]

Bean, 你真係唔駛擔心wor. 大市一定會調整, 我估計重應該係大幅度調整, 所以唔駛擔心. 不過問題係而家熱錢太多, 又唔肯走, 所以先至令個市大漲小回. 不過話明係熱錢, 佢地可以走得很快.

我地買股票, 看升比看跌有利. 你細心看一下附圖個恒生指數, 升的時間比跌的時間多許多. 所以如果你買入股票, 只要不是人人瘋狂的最高點時買入, 則大部分時間你都會感到快樂.

其實今次升浪, 還有最少1萬點以上水位 (上次高位是3萬1點吧), 只要真的經濟復甦, 個市真係升到你唔信. 所以個市一有調整, 你就可以收集你的心頭好 (最好是一些有實力的一,二線股).

當然, 如果你係想買一些風險比較高的三四線股, 則不用看經濟, 不用看整體大市走勢, 有心水就可以下注作短線投機. 說不定你還可以賺更多賺更快呢.

[beaniebean]

聽見最高領導人咁講, 我都安心咗dd.

做人都想時時刻刻快樂, 所以最高領導人講"所以如果你買入股票, 只要不是人人瘋狂的最高點時買入, 則大部分時間你都會感到快樂", 呢個概念真係好啱聽. 由此亦可想而知, 唔怪得最高領導人成日都咁開心.

好, 咁肥Bean唯有再耐心等待.