雙重標準的感受

[beaniebean]

雙重標準, 對人不對事... 簡直令人極度火爆!!

不過, 以我過往經驗, 呢類人通常都絶對唔會覺得自己係雙重標準既人, 仲會覺得自己做事係幾咁公平, 又會覺得自己既為人係幾咁明白事理, 但其實都只不過係講一套做一套!

同一句說話出自不同人的口中, 呢類雙重標準的人可以有不同反應. 佢可能會覺得好啱聽, 但亦可能會blame到你暈, 咄咄迫人. 咁問題係邊樹??? 咁就要視乎那句說話由邊個人講出嚟.

就以近日我看到的一件事, 我敢用人頭擔保... 如同一句說話係由其他人(e.g. 夢中情人、天才學生、有權威學術成就、頭腦轉得快及德高望重既人......等等)講出嚟, 某些人既反應絶對會渙然不同、可以是徹底相反. 如不幸你是最好蝦的人, 那就當災及無辜.

這只是其中一單個案, 等我有空及仍有興緻既話, 或許會舉多一兩個例子出嚟.

調番轉頭俾你, 試問你會否仍願意在一個充滿不公平及有雙重標準的圈子裡存在嗎?

如有一份工, 你的上司對你及其他同事有雙重標準的對待(如: 一個做到死又做得好但無讚賞, 另一個就清閒到死卻成日搞啲大鑊嘢出嚟但就受到讚賞), 你覺得難頂嗎? 你還會願意係呢間公司工作嗎?

如你是個學生, 你的處境情況係老師事事針對你, 賞罰唔分明, 對唔同學生有唔同對待. 那些乖巧、樣靚及資質高的同學, 老師就願意教多啲, 且俾很多鼓勵及正面既說話, 而那些資質差、樣唔靚及唔醒目, 老師就不聞不問或俾啲負面說話. 那是所謂的"有教無類"嗎?? 那個資質差的學生還有心機上學嗎?

假如一個老豆有幾個子女, 其中有啲討佢歡喜, 又些就唔得佢歡心. 有日, 那個唔得佢歡心既仔想關心吓老豆, 問咗一句"老豆, 你今晚食咗飯未?". 點知個老豆答佢, "衰仔, 成日問埋啲meaningless question, 我都費事答你, 唔該你自我反醒吓". 相反, 另一個得老豆歡心既仔問同一條問題, 嗰老豆可能覺得個仔好關心佢, 好窩心都未定.

雙重標準...(冷笑一聲)... 那些人其實可能已優待緊你...

事關呢個世界還有... 三重標準、四重標準、...、多重標準、無棱兩可的標準、隨時變幻無常的標準. 你可做什麼呢? 只有2個選擇: 接受或拒絕(即: 閃開). 我暫時諗唔到其他可行的選擇.

世事就係咁.... 當你慣咗時, 會變為無乜感覺, 如同行屍走肉.

我個人認為... 那些雙重標準的人, 如能講到明佢自己係雙重標準的人, 那樣還好... 起碼別人會心照佢既做事作風, 懂得隨機應奱; 否則爭抝出現, 旁人也難於調解, 跟住"咬文嚼字"既情況就不斷出現, 再講落去只會無氣.

[Cindy]

beanbean...
過左一排下左啖氣未呀...
你快D返黎WEWEWEB啦...
大家都好掛住你架

[beaniebean]

噢, 很少留言的Cindy也留了這個msg 給我...

心裡很感動 , 在此說聲"很多謝你呀 ~~ "