整廁所

[willy]

過去幾天我的廁所細水長流 (那個入水器有問題, 水箱滿了也不能完全停水). 今天終於去買零件, 決心將它修好. 其實這次以是我第三次修理我這個又愛又恨的廁所, 結果當然是有驚無險. 為什麼整廁所都會有風險呢? 所謂欺山不可欺水, 攪得不好可真的會有水災!

其實有人會問, 為什麼不找人修理? 我己做過一些市場調查, 整廁所一工人要300-500大元, 對那些有個錢的人當然不是什麼一回事. 但好像我這些草根的失業人仕, 省得一個錢就得一個錢. 最好就是大家有門路, 介紹我去做個誠懇的整廁所專業人仕.

還有一個原因, 就是一份成功感又或是自豪感. 不明白? 試想一下為何我們可以在街市可買到的魚, 還有人會樂些不倦的去釣. 又為何我們可坐的士隨處, 但有人又還是買車做司機. 明白嗎?

[potassium]

你連整個廁所啲錢都慳，有得啲廁所水四濺，就知你家財豐厚，正正係嗰啲有的士唔坐，有錢買架車落街買包檸檬茶嗰啲人啦！哈哈！

[beaniebean]

城中既隱形富豪通常都好低調, 而Willy就係個種勁低調且謙厚既有米之人。

大家千祺唔好俾“草根的失業人仕”呢幾個字誤導。從邏輯角度嚟睇, “草根的失業人士”絶對不等如“No money”。事實上, 有不少失業人仕已經享緊福, 分分鐘係到un un 腳唔駛做收緊錢。Willy成日都唔知點解咁謙虛, 用啲無喱頭既字去形容佢自己。如果佢係草根既失業人仕, 咁我就係個無腦既赤貧人仕。

今次Willy咁有興趣整厠所, 主因是佢係高深既領域裡面發掘唔到更高既挑戰, 所以轉移去佢未曾涉足過且較既低層次方面去找佢既滿足或自豪感。

如果每個整厠所師傅都過少少料俾佢, 咁呢啲師傅可能好快會無飯食。原因係Willy會將收集到既資料融會貫通, 繼而再把其他厠所及廚房設備(如: 洗手盤, 浴缸, 水龍頭, 水喉, 煤氣爐, …等等)既奇難雜症一一無師自通咁去解決。分分鐘佢可能本著“我為人人”既態度, 出一本著作“整廁所大全”去益大家, 到時大家就可以DIY。而佢既好朋友, 即係有豐富文字工作經驗既PotPot會拔刀相助, 將呢本大全翻譯為其他語言既版本, 到時Willy收版權費都收到手軟。

[potassium]

haha .... beanbean，你啲文筆都唔錯個喎

[beaniebean]

PotPot, 面對住有豐富文字工作經驗既你, 我啲文筆實在麻麻哋。我都係有個句講個句, 不過, 都自知有時講嘢誇張咗啲。

哈哈哈, 你同Willy寫既嘢都好有趣, 所以, 你哋得閒既時候, 就上嚟寫多啲嘢, 我實會回應你哋既msg。

[potassium]

哈哈！我而家好得閒~~~ 覆乜都得~~~~

不過要等你嗱嗱臨搞掂你手上鑊unknown嘅大鑊嘢至可以同你喺度「互動對話」~