我要上路去

[beaniebean]

Pot妹, 我要走喇!

原因係我要放一個悠長假期, 但都只不過係十幾日, 所以, 我大約會係兩三週後先再上嚟呢樹蒲頭。我今晚就會起行去地球既另一邊, 由於我仲未執好包袱, 聽日仲要返工, 所以時間非常緊迫, 我只能長話短說, 遲啲返嚟再話你知。

今次, 我會一個人上路, 去到當地會有人帶我去玩, 所以唔駛用腦, 真係好! 其中有1至2日會跟人去flea market擺檔做小販, 到時我會用最親切既笑容同最誠懇既服務態度去serve我啲客仔。

好在呢個年代有DC, 可以俾我盡情影相。 照我估計, 我今次應該會影超過一千幅相。如果我影到啲得意嘢, 我會精選幾張俾你睇。

雖然我有一段時間唔係度, 但唔駛掛住我喇!
(Pot: 慳啲啦! 呢度無人掛住你!!!)
(Bean: 其實我都知, 不過都係講吓啫!)



Yeahhhhh ~~~~~~~~~~~~

[potassium]

嗱嗱臨覆一句先！！！

你要走？！仲要成幾個禮拜？！我點算呀？！

[beaniebean]

Pot妹, 呢度有你個位好好人既Willy同好朋友阿力士陪你, 所以唔駛唔知點算好。到時Willy係個game room蒲頭, 就唔好俾佢做watcher, 一於焗佢同你玩番幾舖XWord。

如果我去到個度可以用到電腦既話, 我會send個msg同你say聲 “Hi” 架喇!!

仲有, 我都會掛住你!!! 哈哈哈!!!

[willy]

Bean, 你緊係好耐都唔出過門喇. 而家通信科技發達, 只要有一部手提電腦, 很多地方都可以上網. 所以唔駛驚上唔到weweweb而掛來掛去.

[beaniebean]

今日係我返嚟既第3日, 終於有啲時間可以上嚟講吓嘢。

帶部notebook去上路?! 真係唔好喇。我今次已帶咗2部DC同1部攝錄機, 連同差電器(2個)、電池(5件)、記憶卡(5張)及攝錄帶(3盒)已令我非常吃不消, 而且全部係問屋企人同親戚借, 所以如果唔見咗, 我就死梗。

其實, 係搭長途車無所事事之際, 諗吓啲你想諗起既人, 都係一個唔錯既選擇。PotPot, 我當然有諗起你啦!!! 我通常會諗吓你當時係香港做緊啲乜東東? 唱緊K定係weweweb緊?

因為今次我有部份時間住係人哋屋企, 所以有2次機會同地球另一邊既PotPot及阿力士吹咗一陣水。嗰種“那麼遠但卻這樣近”既感覺都幾有趣。另外, 我曾經住宿過一間麻麻地既客棧, 該處有上網服務, 收費係US$8/hr, 而最低消費係US$1, 呢個價錢聽落真係有啲貴。

今次我影咗超過2000張相, 以我咁慢吞吞既處事態度, 如要整理好啲相, 估計要一年半載。但為咗可以揀選少量相同呢度兩位高層分享吓, 我希望可以加速12倍, 盡量係一頭半個月內完成, 而嗰2位高層係:

1) 我非常敬佩既XWord師傅 (我仲記得上次阿力士用“mentor”嚟形容佢。真係非常貼切, 佢真係我既“良師爽友”。)
2) 一個資深旅遊家, 早年已展開佢環遊世界既大計, 宜家佢可能只欠北極同南極仲未去過。如果可以聽佢講吓旅遊心得, 應該會獲益良多。

我都知呢兩位高層日理萬機, 實在忙到不得了。如果可以既話, 都希望佢哋可以抽空睇吓啲相啦! 不過, 如果無時間既話, 都唔緊要喇!

[willy]

Hi Bean,

好高興又見到你蒲頭, 看你的文章就知你係攝影發燒友. 唔好講咁多, 拿拿聲post一兩張大作上來欣賞一下. 最好就係連同一張玉照, 給weweweb的什麼高層來一個評頭品足.

[potassium]

哈哈！WELCOME BACK MY DEAR BEAN!

我呢排好忙，好少上嚟，連xword都冇時間/精神玩，不過我會繼續喺度開枱。11月1號啦，我諗我就得閒啲架喇。

好累呀，個腦轉唔倒，唔打咁多喇。

你post啲相喺邊？

[beaniebean]

我其實唔係專業既攝影發燒友, 只不過自知老咗既時候, 記憶力唔好, 所以靠影相去留番啲回憶。如果宜家仍係菲林時代, 我會影600至800張相就收手, 實在唔想同自己個荷包過唔去。其實, 有好多相都係車上拍既, 所以有啲濛濛哋。

今次, 我好高興係幾個不同地方見到松鼠, 佢哋唔太怕人, 其中有一隻仲爬去我隻鞋上面。佢哋眼仔睩睩咁望住人, 非常得意, 於是我又忍唔住影咗幾十幅有松鼠嘜頭既相。有時見到啲好靚既花花草草, 我又會影一大堆相。呢個就係點解我影咗咁多相既原因。老實講, 我真正滿意既相唔多, 大部份都只不過係一堆snapshots嚟。

PotPot, 因為我仲未整理好啲相, 所以仲未post出嚟。由於你哋兩位高層既時間實在太寶貴, 所以我仲諗緊用咩嘢簡潔既形式去present出嚟, 費事睇到你哋眼瞓喇。

PotPot, 聽見你近排咁忙, 我只能希望你可以順順利利兼事半功倍去搞掂啲工作。不過, 最緊要都係好好休息, 唔好太夜瞓。Take care!!!

我近排懶開有條路, 好鐘意放工返屋企或食完晚飯之後就瞓覺。就係咁樣, 嗰啲肥膏就極速係我身上增長。我只能用“好逸惡勞”嚟形容現時既我, 腦裡面淨係諗住幾時可以去休息。不過, 我過多一兩日就會回復正常, 又要開始諗吓點樣搞掂啲麻煩嘢, 至少做啲運動唔好令自己繼續增肥。

[potassium]

yeah我又回覆文章喇，真係好freeeeeeee~~~~~~

bean你真係正氣人嚟個喎，我好少接觸大自然，我正正就係時下社會嘅cyber人，日日夜夜對住部電腦唔願郁兼唔會悶嗰種。

對上兩個禮拜真係好忙，唔夠訓之餘都大大地壓力，原來我塊面啲暗瘡真係同壓力有關！因為呢幾個月keep住有睇skin doctor，塊面唔會多過2粒暗瘡，就算有，都係訓醒第二朝就唔見嗰啲。但對上幾日出咗3粒！！而家仲未完全「沼」滅倒佢哋！

我塊面家陣值幾千蚊架，哼，我一定唔可以再俾呢個情況出現！所以 ...... 我要早睡早起！

[potassium]

咦係喎bean，唔記得回應你「身上長出肥膏」呢個issue添！

你係咪肥人？定係瘦人？

我覺得而家啲瘦身廣告太盛行，搞到時下年青人對肥瘦嘅價值觀歪曲得好犀利！

不過話說回來，我當初都成日減肥，但呢一兩年開始唔減都瘦，瘦到我自己都唔係好開心，但係瘦又有佢好處喎，因為乜衫都著得落！(不過好唔好睇又係另一回事)

haha ... 好矛盾，同埋呢個entry真係冇主旨，純粹諗倒乜就講乜~~~~


呀，我記得喇，我重點係想講：bean (如果你真係一個肥妹仔)，呢個世上係冇肥人架，只要你有awareness，keep住自己體重constant，唔自甘墮落，「肥田」嘅身型應該好難發生嘅自己身上。

[willy]

其實肥有什麼問題? 最更要係開心. 肥或瘦得過火多不為大眾喜愛, 重有可能會死, 但如自己高興, 便沒什麼大不了.....就算真的是肥人, 最多給人冠以一個稱號為"死肥妹／婆", 那又如何?

所以不要介意是肥定瘦, 只要你有沒awareness, 便不需keep住自己體重constant. 不要介意別人怎樣看妳, 說妳”墮落”, 妳大可以笑回一句: ”越墮落, 越快樂"．　

[beaniebean]

Pot, 真係替你高興。你既acne問題應該差唔多好番哂, 又變番一個靚Pot。

真搞笑, 呢個文章主題無喇喇講到肥瘦問題, 仲同“墮落”有關!?

Willy, 最衰就係你個網站日久失修, 搞到個討論區死咗幾個鐘。而家太夜喇, 要瞓覺, 留番聽日再補充。

(Willy: 呢個唔知係乜嘢會員嚟, 淨係識得投訴, 要blacklist佢先得。)
(Bean: 唔好呀~~~~~~ 不過, 我都係講事實啫!)

[willy]

唔知點解d電腦程式和無端端就死左. 好彩佢唔似得人咁, reset 完又可以生生猛猛.

[beaniebean]

由我係9月1日報到至今, 據我所知網站出現問題既次數有兩次, 一次係個XWord database壞咗, 另一次係尋日個討論區死咗。如果以“日”去計算既話, 則有3.125% (= 2/64)既日子, 呢嗰網站係有啲問題。呢個數字應該比正常既standard高, 亦即顯示呢個網站係unreli.... (雖然真正既standard可能係以“秒”嚟計算)

(Willy: 呢個會員又係到散播謠言, 就嚟會踢佢出去。 )
(Bean: Gosh!!)

由於啱啱作咗篇文俾PotPot, 所以係時間瞓覺。呢個肥膏話題要留待下回再下回分解。

[willy]

Bean 用妳的計法, weweweb 的 standard 應該很好, availability 有 96.875%, 大學生拿到70%已可以拿A了. 選舉特首, 超過50%就可以坐正.

現在拿我的ISP計, 它們一個月有一個晚上會有routine maintenance. 那 availablility 只有 96.67%

再拿我玩的online game計, 它們一個星期有一個晚上會有routine maintenance. 那 availablility 只有 85.71%

其實weweweb網主係有佢的原則, 就係唔會理會乜乜 quality, 只會盡人事, 死了就reset.