Merry Christmas (2006) & Happy New Year (2007) !!!

[beaniebean]

今日已經係12月25號喇! 我係呢樹祝大家:



另特備其他祝福俾以下各位:
1. 至尊領導人 – 一向知你好受歡迎, 大把人等住約你去party。祝你聖誕節玩得開開心心!!! 哈哈, 你一向好fit, 食多多都唔駛驚!
2. 我最親愛既Professor – 知你近排忙到爆炸, 不過記住要忙裡偷閒, 玩完先再繼續努力啦!!! 好掛住你呀!!!
3. GB miss – 你宜家可能已經去咗冰天雪地。如果太凍既話, 最好係呢個時候, 有個貎似Rain、權相佑、元斌、玄彬、張東建...等等既型男出現, 跟住同你講 “小姐, 駛唔駛我借件大褸俾你?” 哈哈, 所以你唔駛驚會凍親。
4. GB阿sir – 你既聖誕節目真係好豐富, 祝你同你既No.1 Beloved 玩得勁開心! 仲有你既年尾touching gathering, 記住帶多包紙巾去呀!!
5. Professor既大孖 – 係無細孖既日子裡, 你都少咗蒲頭。所以, 唔知你近排點樣。祝細孖快啲返嚟隌你玩啦!!!

“分享”係weweweb既特點, 所以揀咗呢張有關sharing既e-card俾各位:


而呢張e-card則有首聖誕歌送俾你哋:

[willy]

Bean, 妳d 文章都好 update bor. 你真係好細心. Thank you.

[Cindy]

哈哈~~
多謝晒你阿bean
我返左黎喇...
不過又要走lu...
下年先會返黎~~~
祝大家Happy New Year~~
繼續weweweb

[potassium]

多謝bean妹關心！！！
我都祝你一年靚過一年！

大家07年要快樂呀！！

[beaniebean]

又過咗11日喇, 仍然見唔到Pot妹既踪影。聽聞Pot妹可能要2月份先會蒲頭。其實Pot妹暫別weweweb都約有一個月喇!!!Chat room無咗Pot妹. 頓然變得寧靜咗好多。噢, 講錯咗!!!應該係“冷清咗好多”先至啱。

Pot妹唔係度既日子裡面, 我上到chat room最鐘意問其他網友既問題係“你最近有無見過阿Pot?”。唉, 我只能唱陳百強一首舊歌《等》既頭三句歌詞嚟過吓日晨...

等　寂寞到夜深
夜已漸荒涼
夜已漸昏暗

Pot妹, 如果我太煩既話, 你可以鬥吓我喎。哈哈, 咁樣我先知你係忙到爆炸既時候, 仲依然好生猛有氣炳人... 咁我就放心哂!!!

Pot妹, 近日天氣寒冷。雖然我有充足既儲備(即係身上既肥膏), 但都係手凍腳凍, 而你一向弱不禁風, 真係要著多件衫呀!!!

貓頭鷹先生, 你既作息時間真係能人所不能。雖然深夜時份可能係工作上會有更多靈感, 又感者係睇實歐美股市既大好時機, 但果陣亦係晚上最凍既時候。所以, 你都要著多件衫呀!!!

係寒凍既時候, 能有一個又曖又甜既夢, 只感到... 好幸福啊~~~~

[potassium]

BEAN~~~ 我今晚終於似返個人，7:15收工喇……
過去一個月簡直係非人生活
晚晚4-5點至訓，第朝9點正要返工
真係做到叫苦連天

[beaniebean]

老實說, 我有點擔心你唔知因乜原因而告別weweweb, 分分鐘一去數載就慘喇!!!

剛剛過去咗既一天, 係我2007年裡面心情最差既一天, 所發生既事俾我既感覺係 “氣絶身亡”。如果你有點印象的話, 你可能知我講緊乜。如果火滾指數最高有10級既話, 咁今次有9.99999......9級, 再高EQ都頂唔住。係最氣憤既時候, 我既手係非常冰凍, 事關啲血上哂個腦發火, 但表情仍扮到無事發生。如果唔係為咗兩餐, 我會即閃。奈何 ... 唉 ...

向積極既方面諗, 我希望可以改變我既思考方法, 訓練自己做到 “視而不見, 聽而不聞”呢個境界。人生最重要係開開心心, 無謂為咗呢啲嘢嘥鬼哂我啲寶貴時間。

原本今日唔諗住上嚟講嘢, 但見到你既出現, 感覺就如“黑暗中有點蠋光”。哈哈哈, 係臨瞓前總算有點值得高興既事令我可以舒懷一點。

Pot妹, 見你過著呢啲非人既生活, 都戥你辛苦。哈哈, 有我陪你一齊苦, 千祺唔駛怕得自己一個。雖然我面對既辛苦同你面對既辛苦係唔同類型, 但一樣非常唔好受。

嘩哈哈, 只能用 “苦中作樂”嚟互勉啦!!!

[potassium]

嘩你都好厲害喎，咁慶都可以唔慶出面？俾我一定忍唔住……

你做得咁苦，做乜唔轉工？

[beaniebean]

總之, 一言難盡, 有機會講俾你知.....

轉工係一個徹底既解決方法, 但事前需有周詳既部署。由於世事無常, 一個決定可能會導致老咗要執罐仔同紙皮維生, 咁就悲~~~悲~~~悲~~~啦!!!

Bean一向係個好穩陣既人, 再加上有“能人所不能忍”既特點, 所以仍未行到最後呢一步。不過, 係時候要好好諗吓呢個 轉工問題...

[willy]

在這裡我有不同bean口既觀點.

文中提到 "由於世事無常, 一個決定可能會導致老咗要執罐仔同紙皮維生, 咁就悲~~~悲~~~悲~~~啦!!!" 向好一面看執罐仔同紙皮維生, 可算自力更生. 比那些有能力但又只會攤大手板問政府拿錢的人來的高尚. 實在今人敬佩, 可喜可賀.

其實人大咗就要計畫將來, 而家d人大大話話有成八十歲命. 如果你是六十歲退休, 有成二十年要過. 要怎樣才是一個好計畫? 真是令很多人都有點兒惆悵....