一篇關於"港女"文章分享 (我覺得好好笑)

無無聊, 吹下水先
User avatar
willy
Knight-Captain 上尉騎士
Knight-Captain 上尉騎士
Posts: 1063
Joined: Sun Oct 19, 2003 12:38 pm
Contact:

一篇關於"港女"文章分享 (我覺得好好笑)

Postby willy » Tue Mar 13, 2007 12:36 pm

港八萬名男士心聲-肥仔聰 ( 林子聰) 訪問內容

8萬名亞洲男士心聲:港女質素差,樣貌僅勝菲律賓

肥仔聰?( 林子聰) 訪問內容︰港女唔多掂! ?

正如肥仔聰所講,第一次做導演當然唔熟唔做,所以他會開拍一部諷刺香港女仔的「得閒飲茶」,整個故事是源自身邊一個好朋友的真人真事。

「她是我一個好好的女性朋友,由拍拖,嗌交,結婚,離婚我都一清二楚。一直以來她都抱住一個心態,覺得老公娶到自己係執到,最弊佢又唔係靚到可以用執到來形容呢!這個問題我多年來都有同佢講,不過佢點都唔聽,到前年佢老公終於頂唔順要求離婚,當時她才醒覺自己錯了,非常後悔,但一切太遲了。」

其實這並非一個女人的問題,而是屬於香港所有女人。早前「Playboy」雜誌有個調查,從8萬名亞洲男士眼中選出各地女性的排名,結果香港女性並不優秀:樣貌,身材,性格,溫柔,情趣等各方面的評分都很低,徘徊在下游位置;其中樣貌排尾二,僅僅勝過菲律賓,身材亦只贏南亞國家(即係印度、巴基斯坦、孟加拉‧‧‧。身邊男人講你唔信,今次由8萬幾個男人一齊講,你點都要信些少掛??香港女性根本沒有你們所想那麼高質素!

你或者會反駁:「日本,韓國 D女仔好靚咩?? 整容之嘛!」係呀,起碼人地肯整喎,你有冇呢份自知之明呢?

綜合過往既親身經驗而得出以下結論 (唔一定適合所有人,但會係大部份人):

鬼妹:滿頭都係金色頭髮
港女:滿腦都係拜金思想

鬼妹:皮膚夠白
港女:性格潑辣,頭腦空白

鬼妹:十六歲好多已經似廿六歲(指外貌)
港女:廿六歲好多都仲似十六歲(指頭腦)

鬼妹:會將問題化整為零,逐個 point去分析嘗試令你接納佢既觀點
港女:會將問題化零為整,一開口既結論就係「你唔 o岩、你錯晒」之類

鬼妹:希望男朋友會讚下自己親自動手悉心既化妝與親自 set既頭
港女:希望男朋友會認同自己去中環 ORIENT或 LA SALON 俾$1XXX所set 既頭

鬼妹:對你無好感,都會同你微笑下 Say Hello
港女:對你無好感,會以鄙視既眼光望下你再即刻擰轉面

鬼妹:會睇書,對基本既歷史、文學、政治、烹飪都會識少少
港女:剩係識睇八掛雜誌與娛樂版,對明星與K歌都瞭如指掌

鬼妹:舒服就得,唔一定要名牌?
港女:名牌就得,唔一定要舒服

鬼妹:如果大家意見不合,會先去努力改變,唔得先至再分開?
港女:男朋友要為自己而努力改變以迎合自己

鬼妹:至少識一種運動?
港女:至多識一種運動~打麻將

鬼妹:性愛講求交流與享受,仲會樂意玩好多花式,大叫「 Oh! My?God!」
港女:性愛講求速戰速決,男上女下快交貨就算,大叫「仲未射咩? 快D喇!」

轉自 http://www.heisshit.com/phpbb2/viewtopic.php?t=639

beaniebean
Knight-Champion 一等騎士
Knight-Champion 一等騎士
Posts: 1610
Joined: Fri Sep 01, 2006 10:06 pm
Location: 藍星
Contact:

Postby beaniebean » Sat Mar 17, 2007 9:28 pm

嘩, 看完呢個文章, 只感到 :roll: :roll: :roll:

"港女"有無咁誇? 文章係咪有偏見????? 不過, 一樣米養百樣人, 所以有少數人係咁都唔出奇。

我都認識過一件豬扒極品(最重時約180 lb, 身高不夠5呎, 外形有啲似M記裡面既滑嘟嘟)。佢成日持靚行兇, 經常吞pot, 做事馬夫得嚟又認為自己好掂, 做完既工作永遠唔會double-check, EQ極低, 所以成日發爛渣。不過, 最令人髮指既係佢既人格, 喜歡屈人, 仲要係好理直氣壯嗰種 (舉例: 佢買咗部數千元既電子用品, 用咗無耐就跌花咗, 跟住攞返去換, 屈部機本身就花咗。唉, 佢以為人哋係lu lu嚟咩?!間舖頭梗係唔肯換喇, 佢咪係度狂鬧人囉。之後, 佢仲想搞大件事去消委會同報章投訴)。另外, 佢有樣令人極之頂佢唔順既嘢, 就係哂"靚", 時時話自己似中國古代某個大美人, 成日都發白日夢去嫁個有錢人, 當十畫都未有0.000000000000000000000001撇既時候, 佢就煩惱緊"嫁入豪門深似鎖"呢個問題。我心裡面只能講"好救命!!!!!!"。本來肥人唔一定係豬扒, 但以佢咁既人格, 我諗唔到可以用另一個形容詞嚟形容佢。我所講只係冰山一角, 佢係我見過既人中算係一個經典。

究竟"大陸靚女"、"金髮美女"定係"港女"最好? 我只能講"事實勝於雄辯", 最好留待時間去印證。我相信肯與佢既Mr. Right甘苦與共既"港女"仍大有人在。

報章總是經常報導很多港人到內地娶妻既負面報導, 通常都同$$$$$有關。娶妻其實係個人問題, 每人都有選擇既權利, 但最緊要唔好搞到一鍋泡, 要政府幫佢執手尾。如要成日聽見呢類既社會問題(特別係果啲倫常慘案), 真係令人吃不消...

P.S. 上文提及既 「得閒飲茶」, 我之前曾睇過碟, 我既意見係"你要得閒到諗唔到有乜好做既時候, 你先好考慮去睇呢套片", 簡直係悶到爆!!!如果5粒星係最高分, 我會一點星都唔俾。故事只係講男主角(方力申)迷戀女主角(Viann), 而女主角只當佢係觀音兵, 經常對佢呼之則來, 揮之則去, 但男主角仍繼嬻苦戀。有幾幕講個男主角內心既痛苦心情, 佢幻想自己好似入咗個監獄, 然後係個牆壁寫滿女主角既名字, 然後又不停用玻璃樽擲向牆發泄。其實, 觀眾已經知道個導演想表達啲咩嘢, 但奈何呢幾幕實在太冗長。我心裡面淨係想講"夠喇~~~ 請停止!!!"。

User avatar
willy
Knight-Captain 上尉騎士
Knight-Captain 上尉騎士
Posts: 1063
Joined: Sun Oct 19, 2003 12:38 pm
Contact:

Postby willy » Mon Mar 19, 2007 12:32 am

些文章純粹攪笑, 當笑話看就算了.

阿bean說得好, 一樣米養百樣人. 文章的所謂 '港女, 要有齊所說的特質', 可能只是萬中無一的極品. 在這我也很佩服作者的心思和觀察力, 可能他以前也遇到過一個這樣的女朋友, 深深領略到箇中真諦吧.

因蘋果日報的報導關係, 我近期也有上那個 "He is sxxt?" 的網站看文章. 當中不乏偏激及歧視的文章, 也有一些理性的討論. 但我心裡不其然會問一個問題: 現今香港社會, 女性對男性的要求是否不斷在提升, 而男性又因追不上女性的要求, 因而雙方都產生怨念呢?


Who is online

Users browsing this forum: No registered users and 13 guests