BT一感

[Guest]

睇左咁多人o既意見, 其實睇到香港電影業已經屬於夕陽工業, 睇港產片o既人越來越少
可見一班, 主要原因並非BT或盜版風氣盛行有關, 而係與業界所製作之電影重量不重質
有關!

就近期上映之港產片為例, 有睇過o既朋友都知質素如何, 唔係抄襲就係D無聊笑料, 以為觀眾都係弱智人士, 仲要賣成五六十蚊一張飛, 真係搵鬼去睇啦! 個班電影從業員有冇想過五六十蚊對一個低收入人士黎講可以用幾耐! 打過比喻, 你去一間餐廳食飯, 五
六十蚊一個餐, 但係佢比D垃圾你食, 你以後仲會唔會幫襯呢? 而BT就好比一間餐廳派送免費午餐, 唔好食 - 你送下次我都唔會再?; 好食 - 你下次貴一貴我都會再幫襯;而BT就係免費比你睇, 你睇過好睇好自然會買飛入場, 唔好睇既送飛比我都唔會浪費時
間!

而香港電影界人士, 得罪講句, 我真係覺得佢地不思進取, 香港電影已經去到一個水深火熱o既地步, 佢地不單只唔想辦法提高影片質素, 仲好意思將責任強加於BT身上, 乘機作宣傳之外, 仲加深社會o既矛盾, 為達到謀取暴利o既目的而無所不用其極..., 現
在仲同政府勾結, 狼狽為奸, o係未有足夠証據之前強行拘捕一位BT用家, 目的係以打擊BT為藉口, 宣傳為實!

政府仲過份, 海關唔打擊成行成市o既翻版店舖, 反而去用大批人力物力去捉一D都唔知告唔告得入o既無辜小市民, 又去年宵市場捉人賣翻版毛公仔o, 真係應做又唔做, 政府o既所作所為, 比到我一D感覺, 除左官商勾結之外, 仲同黑勢力勾結, 如果唔係, 點解
只係向手無串鐵o既小市民埋手而任由黑勢力坐大呢? 我想各位心中有數罷!

轉自: WONG

[John]

It's very interesting site!

[willy]

WONG 說得很好, 99% 同意!