Light 同 Zero 可樂 ... 有乜分別?

[beaniebean]

早一兩天, 有個好友話佢暫時會杯葛可樂, 其中一個原因係佢既摯愛Light Coke 將會被Zero Coke 取代.

我聽後就好奇想知兩者有乜分別, 結果去咗超市八吓, 結論有3點:
1) 成份除咗有樣叫Acidity regulators(Light 用E330, Zero 用E331)不一樣外, 其餘全部一樣. 至於各原料的含量百份比是否一樣, 咁就唔知道.
2) Nutrition Fact 完全一樣, Energy/Carbonhydrate/Protein/Fat 全部都係 0 .
3) Light Coke 罐面註明 0 Calorie, 而 Zero Coke罐面註明 No sugar.

咁夠竟口感上有乜分別呢??? 由於我一向只鐘情於Classic Coke, 所以極少飲Light Coke 同 Zero Coke, 但又想知道個答案.

超級汽水Fan屎Willy, 你一向對汽水有專業既研究, 請問可否解答一吓?

P.S. 我認為最好飲既可樂, 就係用玻璃樽裝且快要結冰但又未結冰既一刻, 嗰種解渴既感覺係最正既...

[willy]

佢地d代糖成份唔一樣, 所以taste係唔同. 如果雪凍左, 口味分唔到, 可以試下唔雪飲, 睇下分唔分到羅.

你咪以為佢地係0 Calorie, 不過只是好少, 有同冇沒有多大分別吧了.

[beaniebean]

哦... 原來係咁.

不過, 唔凍既汽水係唔好飲既, 所以我唔去做實驗lu.

Willy, 你既味覺很厲害啊, 咁都分得到. 不過, 你是怕肥才飲Light, 還是認為Classic 口味太甜呢?

我今日看了一本雜誌, 介紹了2款新口味既波子汽水, 竟然係啲調味料味道...

哈, 俾你估吓係乜口味, 過多一兩日再話你知個答案.

[beaniebean]

答覆係: 青介末及咖喱味...

如果遲啲有機會去開嗰間超市(對我來說, 有點遠及唔就腳), 我或者會買俾上述我所講既汽水迷好友試吓.

嘿嘿嘿... 搵佢做白老鼠真係好... 只是講笑啫... 佢一向大方且勇於嘗試, 再加埋佢同Willy一樣擁有相同級數既汽水專業研究知識, 所以先買嚟俾佢試, 希望佢會喜歡咁就好喇.