過瘦求診 醫生照開「冰」減肥藥

討論一些有關身體健康的話題
beaniebean
Knight-Champion 一等騎士
Knight-Champion 一等騎士
Posts: 1610
Joined: Fri Sep 01, 2006 10:06 pm
Location: 藍星
Contact:

過瘦求診 醫生照開「冰」減肥藥

Postby beaniebean » Fri Mar 02, 2012 11:14 pm

為咗賺更多既錢, 明知有害的藥都開俾人食, 呢啲醫生極度無醫德. 每包幾十蚊既減肥藥賣到二百幾蚊, 食水都好深.

呢個世界既錢係無法賺得哂, 佢哋呢行一向賺錢好豐厚, 下半世都無憂, 但卻仍繼續利用呢啲手段賺錢, 真是無耻.

有時都好唔明, 呢類有問題既醫生仍然照開門做生意, 但卻無人去投訴佢哋... 真係奇!!!

另外, 如醫生既收費能合理一些, 我相信小市民的擔子也可輕鬆一點, 但無奈醫療收費一直高企. 大家都為咗老來既醫療費用而擔心. 事關一個大病或一些長期病症足以令辛辛苦苦得來的積蓄無哂... 慘~~~

希望那些想減肥既人要清醒一點, 唔好去幫襯呢啲無良醫生. 食藥減肥最終都是無用的.

【經濟日報專訊】瘦身文化隨時搞出人命,醫藥界相信本港有數十至數百名減肥醫生,本報記者放蛇發現,有醫生只收220元就給過輕女送上一個月量的「冰」類減肥藥「芬特明」(Phentermine),且由私櫃取藥,疑為避過調查。

有業內人士指,此類減肥藥停藥體重即反彈,女士猶如上癮般不斷就診。肥胖學會會長周振中醫生認為,醫生向體質指數(BMI)只有17的病人處方芬特明已涉操守問題,足以要召開醫委會聆訊,關乎專業失德。

周又指,芬特明最多可連續服3個月,停藥便反彈,若病人為減肥持續服用,醫生又處方,可致精神錯亂,影響心臟,嚴重會死亡。......

長沙灣一名杜姓的西醫在網上出名減肥,本報一名過輕女記者5年前放蛇已獲處方芬特明,近日再派出過輕記者求診,告知護士想減肥,即獲安排6至7人一組進入診症室磅重、度高。記者高約170厘米、體重約50公斤(110磅),BMI僅17.3。杜醫生見記者後說:「你BMI正常,還要減肥?為靚無辦法啦。」

該包膠囊藥丸標示為「Panbesy」,成分是芬特明,屬安非他命類減肥藥;美國食品及藥物管理局指引訂明,只適合BMI超過30的癡肥病人服用,最多可連續服12周,長期服可致成癮、不安、甚至心血管疾病。

有熟悉醫生運作情況人士估計,香港有300名減肥醫生,他指:「一粒芬特明只要數角至1元,你一包付200元,好好賺,且你停食,會重量反彈,於是不會停;隻藥唔會上癮,但你為瘦,行為就好似上癮一樣。」而且藥物來源,亦「未必見得光」,故才在櫃桶底取出藥物而非配藥處,「危險藥物要登記,入太多會引人懷疑」。.....

Source: http://hk.news.yahoo.com/過瘦求診-醫生照開-冰-減肥藥-230000809.html

Who is online

Users browsing this forum: No registered users and 5 guests