尋舊玩家！

[beaniebean]

收到哂! 原來係咁...

請問你所講既"gold"係乜東東嚟?

不過, 以一個開咗都有3年既討論區, 現時只有百多個文章, 真係少得有啲 。如果繼續係咁落去, 我估10年後可能應該唔多過1000個文章。到時我可能年記大, 記性差, 已經記唔起呢樹囉...

[potassium]

其實我都唔知gold係咩嚟架~~~~~
willy整嘅~~~ 我member class係Gold囉
不過另外weweweb仲有個「龍虎榜」
入多d game room，可以keep返個名次嘛~!

你幾時上game room呀！我又喺度snooker緊喇！

[beaniebean]

唉, 我今日返工忙到出煙, 個頭想爆開, 夜晚又上咗幾個鐘頭堂, 之後11點食咗餐唔好食既晚飯, 係我個位唔夠20歲既屋企人第一次煑既菜式(之前佢未曾rehearsal過), 真係食多幾餐都會減到肥! 宜家已經攰到不得了。周公猛咁急call我同佢吹水. 所以今日唔去睇你snooker啦! 我諗你宜家都瞓著咗...

係Hall of Fame裡面既Our best fans, 你排第4位。我想問第一位既Willy同第二位既Willy1係咪同一個人, 定係佢既孖生細佬?如果係同一人既話, 仲乜一個人霸兩個名次? 不過, 我知道網主係大哂架喇, 可能佢唔想你入到三甲之內。好奸!!! (純粹估吓)

我可能呢幾日無得上網, 因為有人教路, 故轉咗另一個寬頻既plan, 同一樣既服務但可慳多過 50%既月費。好嘢!!!

[willy]

你地你一言, 佢一語咁, 唔上兩日都有d追唔到 (最慘我中文打字好水皮). bean 唔好以為我同pot好熟, 一起玩泥沙大. 其實我大她十多年, 佢真人版一次都未見過.

你問d問題pot都答得快而準. 正所謂知我者莫約pot. , 其實weweweb初期 (1998) 電腦的科技真是不太好. 如monitor很多還是640x480. Internet 還是33.6k, 所以不能寫太強的program. 而且是私人網站, 一人develop, 邊學邊做, 沒有太多時間寫得去做一個很好的基礎遊戲平台.

最後給你一些數據, game room 最多可容納128人. 但weweweb是在一個很弱的電腦上運行 (恐龍電腦 Pentium 200Mhz with 196M ram), 所以如果很多人玩會很慢. 好彩現在還沒有人滿之患

最後為何有willy 和 willy1 2 個 user. willy 係 developer, 在 game room 內見到佢都唔會理你. willy1 係watcher, 會坐在你後面一看你玩. 最多會同你寒暄一兩句.

[potassium]

哈哈，係呀，willy你帶出咗好重要嘅一點，就係我哋係未見過面架！bean妹，weweweb係咁架，啲人好似好熟咁，但其實個個都未見過面。鬼咩，個個都冇嘢做晚晚走上嚟，感覺咪好似「一家人」咁囉~~ 不過未見過面都唔緊要嘅~ 呢度啲人都好誠實架，譬如我咁，就唔會呃人話我係靚女然後引人出嚟咁囉~~~

willy我梗係「知你」啦！我記得當時我都有嫌棄過個game room太細，有問過你呢個問題，所以咪記得個答案囉！我有聽書架！不過緊係由網主你回答professional啲啦！你睇你啲用字幾型幾technical！

bean妹，其實除咗willy，仲有willy1、willy2、willy3、willy4、willy5架！willy其實有嚴重嘅人格分裂！唔只willy，查實weweweb好多人都係咁，譬如potassium又係calcium同sodium啦；wayway又係waywayway 啦！所以weweweb可能有好多個registered members，但原來來來去去都係嗰幾個人嚟架！哈！驚未！

willy，你快d練好打中文啦！

[beaniebean]

你哋兩個雖然年紀相距10幾年, 但都可以咁夾同埋心靈相通, 雖然未見過面但感情尤如一家人咁好, 我只能講四個字: 太... 感... 動 ... 喇 ... (感動到有啲眼濕濕)

我都同意你話呢樹啲人好誠實(當然包括我在內, 雖然我有時講嘢誇張咗啲, 且成日講啲唔講啲)。正如譚校長有首歌既歌詞: "我情願不想講, 都不想講假說話欺騙你..." (我唔係好記得句歌詞, 不過, 大約係咁上吓意思)

人格分裂?! 唔係咁恐怖? 不過, 我係Trivia個分數榜見到多好人名, 我諗應該唔係咁少人掛!

[willy]

在此聲明網主沒有人格分裂, 也沒有思覺失調. 只是做事有條理. 用不同的角色去處理不同的工怍.

[potassium]

簡單嚟講咪又係分裂！

[beaniebean]

可能係Willy個角度嚟睇, 人格可能只得兩種, 就係"All or None", 而 Willy既人格屬於前者(即係"All"), 所以佢話自己唔係人格分裂囉。

Willy, 我想問你個公仔相裡面, 嗰個活潑精靈, 著住短褲, 係到跳啦啦舞(或打功夫)既小朋友叫乜嘢名? 係男仔定係女仔? 係咪啲電腦game既出名人物?

P.S. Willy係度扮細路, 真係... 人格分... (唔敢再講落去, 驚俾人炳...)