Postby beaniebean » Thu Sep 21, 2006 9:20 pm
Pot妹, 你既sore throat同週身骨痛好番啲未? 如果仲未好番, 你真係要早啲瞓同埋飲多啲暖水。雖然weweweb係一個嚟relax既地方, 但你都係唔好玩得太夜。你知啦, 23/9你要睇阿哲既concert, 到時你見到阿哲可能高興到尖叫, 嗌唔到就可惜啦!
老實說, 我發覺去weweweb真係有啲上癮既感覺, 而且閞始明白“電車男”呢套片裡面個班網友點解咁投入。照我估計, 如果網主做咗“電車男”呢套片既男主角, 應該會有好多失踪咗既舊會員返嚟俾意見佢, 到時呢度應該會非常熱鬧。
因為蒲咗呢度一排, 搞到我成日係度作文同吹水, 真係好攰。而我之前講過嗰單答應咗人做既“杰”嘢就原封不動, 真係有啲過意唔去。所以, 我決定咗要克制自己唔上嚟呢度一星期, 諗住收埋自己係個山洞入面, 迫自己好好地努力搞好呢單嘢。原因係我要睇好多reference, 同埋要不斷係到trial and error。所以, 不能一心兩用。
除呢樣之外, 我仲有好多嘢等住我去做, 遲啲我會話你知。不過, 我會係28/9晚上11:30上嚟睇吓你係唔係到, 有機會既話咪吹吓水, 同玩番一兩誧XWord囉。
Pot妹, 由於現已開始踏入秋季, 天氣時熱時凍, 所以小心保重身體。Take care!!!