末日博士出語驚人 恆指或見萬二

經濟, 金融
beaniebean
Knight-Champion 一等騎士
Knight-Champion 一等騎士
Posts: 1610
Joined: Fri Sep 01, 2006 10:06 pm
Location: 藍星
Contact:

末日博士出語驚人 恆指或見萬二

Postby beaniebean » Sun Sep 25, 2011 12:55 am

我記得最高領導人早前曾講過恒指可能跌到18000點以下. 宜家已出現此情況.

以下文章講到末日博士話恒指有可能跌到12000點水平. 請問最高領導人點睇呢? :roll:

星期五收市, HSBC已失守60蚊. 請問最高領導人對HSBC有否目標價? 是否仍對HSBC充滿信心? :roll:

早幾日見你在forum講... 如中電跌過某價位就樂意大手買入... 咁係咪暫時唔會考慮HSBC呢? :roll:

信報 (2011年9月23日)
港股從高位下跌逾2成,技術上步入熊市,「末日博士」麥嘉華(Marc Faber)更預期,恒指有機會跌至12000點水平。|

麥嘉華表示,近期環球股市的拋售行為,反映環球經濟陷入非常錯誤光境。現時市況並非很差,只是投資者情緒過度悲觀,令大市出現超賣,若情況進一步轉差,不排除恒指跌至12000點水平,但料年底將反彈回穩。如果手上沒有持貨者,不妨可考慮伺機吸納。

商品方面,他認為,黃金並沒有泡沫的跡象,建議投資者應分別將25%資產投放於股票、房地產、現金及貴金屬。

歐債危機方面,麥嘉華稱,現時是希臘離開歐羅區的時候。希臘需要降低匯率及容許破產,以讓人民能夠莊尊地生活,縱使歐洲債權人需要承受痛苦。
他又表示,美國聯儲局縮細「扭曲操作」(Operation Twist)規模的做法正確。

Source: http://www.hkej.com/template/onlinenews ... e_id=75759

User avatar
willy
Knight-Captain 上尉騎士
Knight-Captain 上尉騎士
Posts: 1063
Joined: Sun Oct 19, 2003 12:38 pm
Contact:

Re: 末日博士出語驚人 恆指或見萬二

Postby willy » Mon Sep 26, 2011 12:21 pm

如果你有留意我係匯豐業績2010內文有提到: "...所以現今來說, 匯豐還是處於大病未愈階段. 隨著國際金融市場還是暗潮洶湧, 地沿政治又不隱定, 本人對匯控今年既發展是保守而不樂觀的. 期望它能盡早復原, 並能成功走出現在之困境." 不樂觀換句說話來講, 就係悲觀. 匯豐三隻腳, 美國果隻腳斷咗, 歐洲又跛下跛下 (應該唔會斷既, 不過就要好長心尾醫....). 而亞洲果隻腳又比高通脹困擾, 攪唔好又出事. 咁你話匯豐有冇運行呀.

如果唔看經濟大氣候, 匯豐係超值, 佢每股帳面淨值係USD8.349(折合約HKD65.1), 而家賣緊HKD59.8, 即市賬率(Price-To-Book (P/B) Ratio) 為0.92. 可算係超值. 用其它銀行的PB作一個比較:

恆生銀行 (0011) P/B=2.77
東亞銀行 (0023) P/B=1.23
建設銀行 (0939) P/B=1.56
工商銀行 (1398) P/B=1.43
中銀香港 (2388) P/B=1.71
渣打集團 (2888) P/B=1.22
中國銀行 (3988) P/B=0.96

從以上數據比較, 除咗中國錢行同佢有得fight之外, 其實錢行係差成條街. 在這你可能唔知乜叫P/B. 打一個間單既比喻, 家庭主婦去買野, 當然係要精打細算. 正常個商販賣野, 要賺錢, 所以P/B係大過1. 如果佢聽到個商販話成本價買比佢, 呢個時候P/B就等如1. 如果商販話蝕賣, 哈哈, 個P/B細過1. 啲精明既師奶聽到, 重唔排隊入貨就笨喇. 不過買股票P/B只可作一個參考, 因為一間公司係有個叫"going concern"既會計準則, 簡單來說就係上市公司比較難無程程會執笠, 佢冇機會比返個book value你. 就算佢真係接埋, 比返你亦唔係呢個價錢. 再者還要看公司資產質素/盈利能力同公司前景.

其實世界經濟係沒有好過, 我地看到既只係風光既一面. 自08年美國金融風暴後, 各國政府大印銀紙刺激經濟, 各地股票/資產市場指數飛昇, 看似表面風光. 但其實只係打咗幾枝興奮針, 沒有真正固本培元. 先看美國QE既益處就係救返不少金融大鱷, 還令他們賺大錢, 但低下層生活則生活更困苦, 房地產沒有起色, 失業率高據不下, 政府欠債破頂. 歐洲國諸國更加不濟, 除左龍頭國德國比較像樣外, 像英法這些老牌國家經濟都走下波, 五豬國更成為歐盟的一大負擔. 如果你有看新聞, 看到希臘政府緊縮開支, 而班市民竟然去罷工, 抗爭, 你就可以見到呢個國家一定冇得救. 攪不好還會拖垮歐盟. 至於亞洲, 有時間再談.

看一下匯豐栽員, 係3000人分三年, 為何要分三年呢. 我想信匯豐有的是專業經濟分析師, 他們不看好三年內的經濟氣候, 才會訂定栽員為期三年. 就算打個五折, 即一年內經濟不會有起色. 而恆指係呢段時間係會繼續調整 (當然如果美國又推QE, 股市又會有一段興奮期, 但因效果會越來越弱, 壞處則越來越大, QE不會一直出台). 如果以雙底論來說, 第一步會到萬五, 再而下跌到11,xxx (即上次的底點高少許).

再看現今恆指, 是萬七水平, 其實是靠一些公用股去支持: 中電控股 (0002), 中華煤氣(0003), 電能實業 (0006), 中國移動(0857), 在這輪跌浪仍然是強勢股. 當歐洲信貸危機,熱錢加速回流西方, 這些公用股一樣不能逃過下跌的命運. 這時, 遍地都係平貨, 是長線投資者的入貨時機. 手中股票, 有升有息, 感覺應該會高價入貨有天壤之別吧.

最後,我可以話比大家知, 我係一個大淡友. 你地可能唔信恆指會見萬一點. 不過國家違約, 唔係單只一個國家自己既問題, 因為佢係經過一個借貸鏈, 直接或間接影響各國既金融體系. 當年雷曼爆煲, 都死咁多人. 雷曼係一間公司, 佢同一國家既影響係差好遠. 美國衰咗可以印錢紙, 因為美元係世界貨幣, 但歐元呢? 當年阿根廷曾經破產, 俄羅斯亦試過債務違約. 大家參考一下當時既經濟氣候, 就可以有個了解.

User avatar
willy
Knight-Captain 上尉騎士
Knight-Captain 上尉騎士
Posts: 1063
Joined: Sun Oct 19, 2003 12:38 pm
Contact:

Re: 末日博士出語驚人 恆指或見萬二

Postby willy » Mon Sep 26, 2011 12:55 pm

重以為呢個係淡友, 同聲同氣, 如來係好友, 叫人入貨.咁重叫未日博士?

”....麥嘉華表示,近期環球股市的拋售行為,反映環球經濟陷入非常錯誤光境。現時市況並非很差,只是投資者情緒過度悲觀,令大市出現超賣,若情況進一步轉差,不排除恒指跌至12000點水平,但料年底將反彈回穩。如果手上沒有持貨者,不妨可考慮伺機吸納。...”

如果真係未日博士, 應該會話: "二零一二係世界沒日, 大家有錢好洗晒佢....."

beaniebean
Knight-Champion 一等騎士
Knight-Champion 一等騎士
Posts: 1610
Joined: Fri Sep 01, 2006 10:06 pm
Location: 藍星
Contact:

Re: 末日博士出語驚人 恆指或見萬二

Postby beaniebean » Tue Sep 27, 2011 1:38 pm

Wow... 呢篇文章既分析好詳盡又好有見解. 最高領導人真係好勁! 8) 8) 8) 8) 8)

那個P/B Ratio 解釋("師奶買嘢"既比喻)容易令人明白及記在腦內. :D

唔唔, 原來HSBC現時係超值的, 咁我要密切留意佢嗰價位.

真係忍唔住又要再讚吓最高領導人... 佢實在太叻叻喇~ 嘿嘿~ :mrgreen:


Who is online

Users browsing this forum: No registered users and 9 guests