但事關我好少去九龍城, 難得有人帶我去試新嘢, 我就決定去啦.
那間食店叫做"同x泰國菜館", 我們叫了:
1. 泰式豬手 - 勁好味, 好"林"好入味, 除豬手外, 有芥蘭及咸酸菜墊底, 仲有切開了四邊的雞蛋伴碟
2. 泰式燒雞 - 好有香濃的香料醃製, 味覺特別
3. 泰式蝦仁炒金邊粉 - 金邊粉幼細, 那種帶茄汁的酸味好啱我
4. 雞/豬串燒 - OK
5. 咸魚燒椰菜苗 - 同事話椰菜苖較為少有菜類, 故推介食呢種... 果然好味
6. 小食脆蝦片 - 幾好味, 有種幾特別既香料在內, 只是$20一大包, 抵!!
7. 辣既魚仔乾 - 餐前小食, 我們一來伙記就放1碟係度, 都幾惹味
8. 飲品- 西瓜沙冰及珍多冰, 消著解渴
係上述既食品中, 我最愛係泰式豬手, 而燒雞的香料好正, 令人回味. 同事話呢間食店既燒魚都好正架!
我其實都幾鐘意食豬手的... 還記得對上一次令我好回味又念念不忘既豬手是在日本旅行時食的自助餐... 嘩, 任食豬手, 正到暈!!!
呢餐每人約為$110, 加埋的士費(最近公司的地鐵站 --> 九龍城), 再加埋在另一間甜品屋食甜品... 是晚的消費合共$160, 都算抵喎~
雖然係減肥階段, 但還是忍不住呢~ 嘿嘿!
九龍城出名有多好正既食店, 就算是晚上11點幾, 都好多人幫襯, 特別是甜品舖.
唔知最高領導人有無食過一些九龍城食店係值得推介呢?
