食魚蛋粉何處去?

分享飲食經驗, 烹飪技巧及食譜
Forum rules
留意: 為防止廣告, 食府不可用全名, 地址, 電話及網址
User avatar
willy
Knight-Captain 上尉騎士
Knight-Captain 上尉騎士
Posts: 1063
Joined: Sun Oct 19, 2003 12:38 pm
Contact:

食魚蛋粉何處去?

Postby willy » Sun Dec 07, 2008 2:54 pm

大家好, 正所謂”民以食為先”, 所以開咗呢個新版面. 又等我寫第一篇文章先.

魚蛋粉(及其同類之食品), 和草根階層生活可謂有很合密切的關係. 我身為其中的一分了, 所以就拿這作題材做一下文章.

以前如果想食魚蛋粉, 就梗係話比阿媽聽, 話佢整果d魚蛋粉好好食. 咁阿媽就會好識做, 幾日後最有魚蛋粉上枱作餐. 大家唔知有冇留意, 以前的魚蛋比現在的來得爽口呢? 原來以前的魚蛋是用了一隻叫”水楊酸"的化學物質, 令其增加口感. 但因後來發覺此等物質對身體有害而被禁止使用. 因此, 現在大部份的魚蛋都是好"林". 講開整魚蛋, 我小時見過人手做魚蛋, 先將魚肉去骨 (佢地當時係用一類好長大肉厚的海魚, 鮫魚?), 用絞肉機絞成肉醬, 再加上味料?, 然後準備一大盤熱水, 左手把肉醬’ge'成小球狀, 右手拿一隻磁湯匙將小球撥至熱水盤中. 等小肉球熟了就是魚蛋了. 好像行中叫這個工序為"打魚蛋". 記得我小時也試做拿媽媽買回來的魚肉去試, 但好像一個魚蛋乜打不成.

人大了, 當然不會再讚阿媽d魚蛋好食, 因為佢老人家跟本唔會再整魚蛋粉. "阿仔, 要食魚蛋粉呀, 咪叫外買囉, 記得幫我叫多個四寶河加紫菜走油呀". 所以如果我要食魚粉, 多都唔會自己煮, 而選擇出去食. 一般我不會去茶餐廳食, 因為佢地唔得專業, 個湯底唔靚. 有個別食店更會用雲吞湯底去煮魚蛋粉, 太差勁了. 如果要食魚蛋粉, 我會有以下建議:

去d標榜10元, 大大碗的麯家: 如"雲吞x"系列, 不過大家唔好要求咁多, 他們大部分都唔係咁好食, 但是因為真係好平, 很適合低下階段的要求. 當然, 有一些魚目混珠的, 買11元一碗, 就千其咪幫襯佢.

至於有水準的而我又有印象的, 則要提到香港仔魚蛋, 在香港仔, 有兩間有名的魚蛋粉檔:

1) 謝x魚蛋. 這間其實我很久之前只去過一次, 在香港仔舊街. 佢d服務超差, 五時就話收工. 不過佢d魚蛋真係與眾不同, 有好特別的口感. (希望沒有加入有害的'tim'加濟)
2) 南x魚蛋. 這間其實出名是他的鴛鴦河 (已改名為招牌河). 魚蛋口感可以, 但不及謝x魚蛋. 南x因用現代化管理, 其分店已擴展至灣仔, 銅鑼灣等地. 而我也是他的其中一個常客.

有朋友介紹過筲箕灣大街有一檔魚蛋粉好好食, 不過我都未有機會去試, 不知大家可有心得.

最後要講一下那個有名德x魚蛋, 吃過一次, 感覺普通.

哈, 等我問下大家: 魚蛋粉是源出自哪一個地方?

beaniebean
Knight-Champion 一等騎士
Knight-Champion 一等騎士
Posts: 1610
Joined: Fri Sep 01, 2006 10:06 pm
Location: 藍星
Contact:

Re: 食魚蛋粉何處去?

Postby beaniebean » Mon Dec 08, 2008 12:05 am

原來Willy係"". :shock:

好嘢, 呢個新版面最啱我肥Bean.... Yeah!!! 又多一個地方發表好味宣言.

講起魚丸.... 令我勾起不少回憶. 好味的魚丸令人回味再回味.

嘩, Willy... 你最鐘意係南x吃牛肉麵喎, 仲乜嘢變咗心, 改行鐘意魚丸粉呢?

老實說, 用上等食料煮出來的食物, 就算簡單既烹調方法都已好好味(如: 白灼龍蝦, 清蒸有厚膏又好肉既肥蟹.... 等等) 但要用平凡既物料造出不平凡既好味, 則不容易...

魚丸... 如M記既口號, I'm lovin it.

不過, 現時街邊檔已很難尋覓到口味令人忘懷既魚丸, 事關通常係不夠彈牙、外皮偏"Un"或調味唔掂... 等等既問題.

由於我經常在午餐無啖好食, 所以放工就會心思思去公司附近幫襯那個商場內一間只賣魚丸及燒賣的小店. 那檔辣辣又帶甜既咖喱汁係佢既靈魂所在, 經常都排長龍... 老闆收錢都收到手軟.

我又想吓大家喜歡吃哪款: 金黃色皮的魚丸、白色皮的魚丸定係炸魚丸(即煎釀三寶嗰啲)呢?


Who is online

Users browsing this forum: No registered users and 18 guests