食為先

[wayway]

在未來的一個月內將會是 飲飲食食 的高峰期, 因為正藉是元旦及農曆新年節日,大家如果嘗到任何美食, 可以事後在這裡和大家回味分享,用靚靚的文字形容出來或貼相片。

而我每星期日或公眾假期都會到「靚靚的內臟」(因版規不得出食府名)買外賣,最常買的是: 咖哩牛/雞飯, 一哥豬扒飯, 燒鴨/切雞飯, 羊腩煲飯, 肉片飯。好味好味, 今晚又再幫襯先。

[beaniebean]

嘿嘿嘿嘿嘿.... 威威叻, 好彩熟悉你的網友知你有呢個習慣, 否則"靚靚的內臟"呢間食肆, 就係諗爆頭都未諗到...

你講的摯愛, 我也喜歡吃一哥豬扒飯, 燒鴨/切雞(最好改為燒肉)飯 ...

有時看到一些飲食雜誌的食評, 真係看到流口水... 所以, 最好就係相約多啲人出來, 叫唔同款式的食物, 樣樣都有得試吓就最好lu.

我也發覺每年12月聖誕至翌年農曆新年的前後, 都係飲飲食食的高峰期, 好像停唔到咁. 尤其是那些以人頭收費的任食美食, 每次我個肚都係脹卜卜地離開.... 最初就狂食, 之後就為咗不要浪費而食埋剩下的東西, 真係no good.

每次當我有空想去減肥的時候, 總有朋友約我去食嘢... 尋日又有同事叫我1月中某期五放工之後去石澳BBQ... 嘩, 我好耐無BBQ啦... 很想去呀!!!

我經常都問自己(差不多日日都問), 何時先可以積極減肥???

但有朋友叫到去飯焗, 如為咗減肥而淨係食嗰dd嘢, 真係好無癮....

哈哈, 威威叻... 住係你個keyboard內的小強同大強, 其實都好口福, 事關佢個主人都係既識食之人嘛~~~

P.S.: 一路打呢篇msg, 一路食阿媽炸到熱lala既腐皮素菜卷, 真係好... 宜家又食緊一碗伊麵, 阿媽放了很多粒粒(潮州魚丸, 炸魚丸同火腿丸).... 飽飽...