約一星期前, 在朋友的介紹下, 去咗時代廣場食通天既金x庭吃晚飯. 我對朋友說為免增磅, 唔好叫咁多嘢食, 但最後還是飽到不得了. 當日食了4款菜式:
1) 蝦(前菜)
這個蝦不用叫的, 你一坐下來啲侍應就會奉上給你. 這就好像啲花生、酸瓜等小食在客人無強烈反對唔要之下會計算在帳單內. 但因其醬料頗特別, 故這碟蝦很好味... 起碼比花生及酸瓜更有新意, 且價錢算是超值, 只需12蚊.
2) 小籠包
在我印象中, 一般小籠包數量好似得6粒, 但這裡的小籠包就有8粒... 最重要係皮內既肉汁很多, 真的好好味.
3) 砂鍋雲吞雞
我以前未食過雲吞雞, 所以唔知係乜嚟, 今次係第一次食. 原來呢款菜式係用雞加其他配料去煲湯, 再配以雲吞在湯內. 嘩, 湯底好鮮味, 雞肉也很好吃, 而那個菜肉雲吞也很滑嘟嘟. 這食店很好, 因有1/4隻雞既份量供客人叫, 所以人少少也可以點呢個菜. 由於所用的雞並不大, 故呢個份量都適合2人享用.
4) 排骨菜飯
我認為呢個菜飯的過人之處, 就是菜飯內有很多配料, 而最值得一讚就是那些排骨. 外表炸得金黃, 但食落去並不熱氣, 且肉身比一般厚很多, 吃下去很有質感. 同碟配上酸辣醬及少少椒鹽供客人自行調味用.
由於一邊食嘢、一邊飲茶、一邊暢談, 最後我捧著個大肚腩回家.
我會再幫襯呢間食店, 除咗會試新嘢外, 也會番點上述菜式. 
