一頓滿意的特價火鍋

分享飲食經驗, 烹飪技巧及食譜
Forum rules
留意: 為防止廣告, 食府不可用全名, 地址, 電話及網址
beaniebean
Knight-Champion 一等騎士
Knight-Champion 一等騎士
Posts: 1610
Joined: Fri Sep 01, 2006 10:06 pm
Location: 藍星
Contact:

一頓滿意的特價火鍋

Postby beaniebean » Sat Aug 01, 2009 12:05 am

我有一位高人朋友(高人 = 高要求的人), 曾話過有機會同我去食特價火鍋(但我100%估佢都唔記得有呢件事). 高人是很難約佢出嚟食飯的, 所以佢話去邊度食都一樣咁好.

早前看到一則廣告, 某火鍋店(X魚頭)推出特價的任食任飲火鍋, 每晚9點開始, 可食2小時. 至於價錢方面, 逢星期日至四係$88/位, 而星期五及六就要$108/位.

由於我未試過呢間火鍋店, 且聽別人的口碑都唔錯, 於是誠邀高人, 諗住請佢去試吓. 不過, 高人始終係高人, 要求仍然係咁鬼死高... 佢話呢類特價火鍋通常都係揾笨, 一客高質素的肥牛也至少要百多元, 所以每位88蚊的火鍋唔妨有好嘢食. 佢仲話通常呢啲特價火鍋要肥牛無肥牛, 要蝦就無蝦, 只有一大堆肉丸俾啲客人食.

雖然高人大潑冷水, 但肥Bean又點會心息呢? 於是早幾日約了其他朋友去旺角那間分店試試. 由於我是發起人, 所以梗係會周到哋去負責攞位先. 8點半去到, 等位的人不是太多, 到9點就可以入去.

那間火鍋店的火鍋設計幾唔錯(主要是嗰鍋既高度好, 同枱面同一高度), 客人擺食物去煮非常方便. 我們叫了一個鴛鴦鍋(冬瑤花膠及皮蛋芫茜). 那張點菜單有60多項的配料, 雖然無一些好特別既配料, 但至少肥牛及海蝦都有, 而任食方面有酸梅湯、啤酒及一款好似酸梅湯的飲品(唔得咗嗰名). 該店也有一些貴既配料可供客人點選.

吃後我感到頗滿意, 原因係:
1) 配料很新鮮及清潔.
2) 肥牛及蝦, 點了幾次, 每次都有, 而且好味. (我其實一向不大吃牛, 但今次也食了唔少片)
3) 湯底很好, 由於豉油也要10蚊碟, 故朋友們一致同意唔叫豉油, 但意想不到那些配料仍然很好味, 反而無俾啲豉油搶咗佢哋既鮮味, 呢點有些意想不到, 真是驚喜.
4) 喜歡那個火鍋的設計, 方便煮嘢食.
5) 環境唔錯, 唔會太多或太少人.

連埋茶芥及加一, 每人約付$110.

呢樹最出名係蕃茄湯底既火鍋, 我下次一定要試試. 我看過正價的點菜單, 價錢都幾貴架!! 有個朋友話幾年前同佢啲同事來過, 由於每碟啲價錢都幾貴, 佢哋都係就住嚟點. 所以呢, 特價時段來食真係抵好多既~~~ :mrgreen:

Who is online

Users browsing this forum: No registered users and 9 guests