[phpBB Debug] PHP Warning: in file [ROOT]/phpbb/session.php on line 574: sizeof(): Parameter must be an array or an object that implements Countable
[phpBB Debug] PHP Warning: in file [ROOT]/phpbb/session.php on line 630: sizeof(): Parameter must be an array or an object that implements Countable
WeWeWeb .NET • 一餐係重慶大廈吃的印度餐
Page 1 of 1

一餐係重慶大廈吃的印度餐

Posted: Sat Aug 15, 2009 3:11 pm
by beaniebean
好耐都無去過重慶大廈吃印度餐, 上一次是同朋友去, 可能已超過5年. 早幾日, 突然諗起想去試試....

原定約了一個家人在重慶大廈門口等, 而我與另外2個家人就早嚟咗dd. 當時, 在大廈門口外已有好多印度人係度向路人推介佢哋既餐廳, 我們稍一停下來, 咁就被三四五個人圍住係度狂sell. 佢哋不斷塞啲宣傳單張給你, 又不斷同你講應去邊層邊層樓. 就算你無反應, 佢哋都不斷同你講, 令到你行又行唔到, 當時真係有點嚇親. 從來, 其中一個話佢嗰間餐廳有某名人(早前一個人氣飲食節目的主持人, 又教煮餸又四出揾食嗰位), 於是就決定去呢間.

上到去, 餐廳內非常多人, 主要是香港的年輕人, 印度客人不多. 等咗十幾分鐘先有位. 我們叫了以下食物, 但都等咗好耐, 可能因太多客人掛.
1) 印度香料雞 ($5x) - good :D
2) 印度咖喱牛腩 ($5x) - good :D
3) 印度咖喱羊肉 ($5x) - 無食過, 唔知好唔好味, 但屋企人話好食
4) 白飯一碟 ($11) - 都幾大碟, 可供2-3人食
5) 烤餅兩份 (共$26) - OK唔錯
6) 凍檸茶一杯 ($17) - 味道同港式檸茶有點不同, 唔知是否用咗印度茶葉

我只吃了雞及牛, 味道好, 特別是啲汁, 因有好多香料. 雖然每碟份量不是很大, 但因啲汁好味, 所以最後全部既汁連同啲飯及烤餅一併掃哂入肚.

在這處吃東西有個好處, 就是不收加一服務費之餘還有九折優惠. 我諗這處都頗受歡迎, 因有很多客人(多是年輕愛吃一族), 而佢哋都點好多食物, 且見佢哋都食得開心. 我們離開時(約十點幾), 又有數個打扮新潮既人上嚟幫襯.

不過, 在重慶大廈的其他印度餐廳也有這個優惠(不收加一服務費及有九折).

有一點要提提:
1) 如果你經過重慶大廈, 而你不是上去食印度餐的話, 你千祺唔好亂接啲宣傳單張, 否則, 佢哋以為你有興趣, 咁你要好難先走得甩.
2) 如果你想去重慶大廈食印度餐但又唔知食邊間, 咁你最好上網揾吓資料才決定; 否則, 到時太多人圍住你, 你會唔識揀.

另有2個問題 :roll: :
1) 唔知係印度本土食既印度餐, 是否比香港食既印度餐更好味?
2) 由於我無去過印度, 所以唔知香港既印度餐廳會否調較食物既口味去令香港人更為接受?

今次消費: 合共約$19X (每人都唔駛50蚊... 哈哈)