WeWeWeb .NET

今日係5月1日.... 又係新的一個月既開始.

回想係30/4既晚上11點, 本想盡量係剩番既1小時內爭取多dd分, 但點知衰心急... 就輸得好甘...

經最高領導人好心地同我分析後, 我發現自己係到亂打, 而且很多concept都好唔清晰... 有時攞到MP係正分, 其實都只是因好彩而已.

最高領導人又講咗幾個bridge既terms俾我知, 全部都未聽過 ... 唔, bridge實在係一門好多變化及要求很高技巧的遊戲來.

Bridge海無涯... 希望我不會半途而癈啦, 否則, 就浪費咗最高領導人的心機.

係呀, 我地有個排名賽呀, 你又玩呀.

http://www.weweweb.net/game/webpage/bri ... ion_c.html

呢幅相好靚喎...

一句"Bridge海無涯"... 難得威威叻可以用另一個解度去理解呢個句子... 哈~

一早起來, 我最鐘意做的東西就是去看看個Bridge及Bridge Ladder 的排名榜.

嘩.......................

威威叻一蒲頭, 就成為咗Number 1 . 威威叻大師真是什麼game都識. 太厲害! 唔, 真係好多勁敵!

我攞三甲的希望, 越來越渺茫, 似乎想在賽果的三甲中留一個小小的名字, 都爆難! 如想在game上留名, 就更加唔好有任何奢望!

反而, 其他受寵幸的網友不用說一句, 一早已可在game上留名.

肥bean唯有繼續努力吧! 不過, 始終信心有限.

幸好我份人好明白"希望越大, 失望越大". 為免自己會好失望 , 所以, 我一向對啲艱難的事不會抱太大希望, 令自己心裡好過一點.

當初我設計呢個實事果時, 已考慮咗唔同會員既技術差異. 係比賽形式加入咗耐力既要求, 所以勁人都未必一定要贏到. 我冇記錯, 有個叫"龜兔賽跑"既故事, 隻兔仔係跑步既能力係強過隻烏龜多多聲, 到最後隻烏龜咪一樣勝出. 所以世事無絕對, 只要盡力參與就可以了.

至於你文中用到"寵幸"呢個詞係唔係咁恰當. 當年唐玄宗"寵幸"楊貴妃, 佢就被人縊死於馬嵬坡. 而光緒皇"寵幸"珍妃, 佢就落得投井自盡既下場. 前車可鑑, 大家都唔想呢啲咁既不幸事件發生係WeWeWeb之上, 所以要小心用詞. 講開又講, 究竟邊個係受"寵幸"的網友呀, 為何一受 "寵幸"就會game上留名. 唔, 實在太多迷團有待解答喇.....

最高領導人的中文及歷史知識真是好勁!

噢, 我不知“寵幸”呢個字會與歷史上不幸的事有關. 唔, 改為“寵愛”都得掛. 例如: 員工得上司寵愛就扶搖直上及升職加薪; 小動物得主人寵愛就有個安樂窩... 等等. 呢啲都係現實中常看到的, 應不算不幸的事吧!

誰是受寵愛的網友? 不言而喻, 所以不用說出來的. 另外, 話明係謎團, 那就是要當事人才知道呢~