WeWeWeb .NET

今日沒有出街, 下午竟然在家裡看電視, 於是睇咗呢套片(TVB播).

睇完後, 我只想說... 我唔想再看第二次.

因為, 整個故事都超慘. 全部主角(兩兄妹及小狗)既遭遇都悲慘, 一點與片名"快樂"也扯不上任何關係.

見到小狗因保護主人, 一次又一次被啲衰人毒打. 千里迢迢, 不離不棄, 去揾主人, 但換來的是主人的呼喝及離棄.

相依唯命既可愛小妹(只得幾歲)又因意外離世... 阿媽又唔認啲子女, 由得佢哋自生自滅, 情願跟另一個男人遠走美國(小兄妹的阿爸早死), 都唔願照護佢哋.

唉.... 有時都唔明啲韓國片點解會咁慘? 劇情不是絶症, 就是其他超慘的故事.

整個故事... 我最不忍就是見到小狗被人毒打, 奄奄一息. 不過, 小狗確是很識演戲.

在網上查看, 原來此片係2007年上演. 唔, 過咗4年, 我竟然係呢個機緣下睇咗呢套片.

太慘的故事唔係太啱我... 看後唔多舒服...

小狗係人既忠心朋友, 有機會的話, 我都想養隻小狗陪住我.

要養小狗, 咪去寵物店買囉. 不過你要照顧佢十幾年, 生養死葬. 停一停, 想一想. 否則可能又會多咗隻"快樂尋回犬".

想一想, 其實套戲裡面既尋回犬, 有冇佢覺得快樂既一刻呀? 如果有既話, 個片名又冇改錯bor. 又或者佢一生之中有ups and downs, 個編劇只係描述佢downs既一面, 以撩觀眾既同情心而已.

係呀, 養小狗要諗清楚呀. 事關啲狗糧及獸醫費都唔少錢. 至驚他日老咗無錢, 連自己都照顧唔掂, 更何況小狗... 恐怕會連累咗佢.

唔... 係片中... 那隻小狗都有過快樂既時候, 特別係同小妹妹同處既一段日子.

人同小狗一樣... 有時為咗主人或心裡覺得重要既人, 就算downs多過ups, 都覺得好值得及開心的.