WeWeWeb .NET

昨日係即興的情況下, 想今日看<<花鼠3>>. 諗住上網買飛, 點知一看之吓... 呢間戲劇.... 竟然上網訂票手續費由6蚊加至8蚊, 加幅係33.33%.

這個加幅(2蚊)實在不能接受, 尤其是一次過要買多張飛的時候. 假如一家四口買四張飛, 咁就要俾多32蚊. 正所謂少數怕長計, 呢啲費用都幾吃不消.

由於昨日我要外出, 故我情願親身到戲院買, 也堅決不會多付那些手續費. 你可能會問" "肥bean, 你唔好為咗那少少的錢而斤斤計較..." 確實, 那些錢可能食一個下午茶都無咗, 但那是"值唔值得去花"的問題, 所以一定要堅持.

怪不得, 我現在多數愛去一些是放工返家途中經過的戲院買飛...

對我來說, 看戲其實不是便宜的娛樂消費, 我是絶少用正價去買飛去看. 所以, 善用早場優惠、信用咭及戲院會員的折扣, 才會覺得較抵...

上網購買又唔係生活必須, 咪唔佢囉.

係呀, 我已決定咗無必要係唔會係網上買飛, 除咗那套片係必看不可.

今年可說是我人生中看戲最多的一年(背後有一個原因), 我有很多戲看了也沒有在weweweb forum寫, 原因很簡單, 就是懶.

但因我要慳錢, 2012年我會少看戲, 要set quota 先至得!