變形金剛狂派再起 (Transformers: Revenge of The Fallen)

[beaniebean]

看完第一集, 已深深喜歡咗變形金剛, 佢係我心目中有型有款既超級大英雄嚟. 呢套片絶對能打入我的十大經典電影之一.

很可惜, 我估我最快要下週日才可以去看, 而尋日聽聞最高領導人同niko均會於呢個星期五去看, 希望佢哋睇咗之後可以發表吓意意. Ummm, 唔知會否好睇過第一集呢?

剛去咗Yahoo電影看看, 第一日上畫已有216個網友既影評, 實在很厲害!!!

Transformers...... I'm lovin' them.

[beaniebean]

今日終於睇咗呢套期待已久既電影...

剛剛去咗Yahoo電影看看啲網友影評. 嘩, 仲乜事??? 前幾排好似已有幾百個影評, 星星粒數至少也有4粒或4.5粒. 但今日看既影評數目只有266個, 星星粒數只有2粒. 何解???

我對此片既好的評語如下:
1. 今次變形金鋼嚟了一次大哂冷, 數量多到好難估計... 佢哋既造型比第一集多咗好多, 有啲似動物, 有啲就由幾件(或幾百粒珠珠)打造出嚟; 而最勁勁勁勁...勁勁的莫過於一個索爆既....(為未看此片的觀眾著想, 呢個不能說出來.) 對我來說, 呢隻變形金鋼非常出人意表. (除電影中既學生哥外, 我故計現場不少男觀眾見到佢已暈哂大浪~~~ )
2. 有一句對白, 意思大約係"你是我畢生中最著緊的人"... 我認為呢句係全片至冧的一句說話 . 嘿嘿嘿嘿, 要看過呢套片先知係邊個講呢句冧爆既甜語蜜語, 真係估不到.
3. 今次加入咗2個騎呢配角, 令此片生色不少. 佢哋2個再加上男主角嗰老豆同那個神化既阿媽, 真係好好笑.
4. 大主角既死... 嘩, 極度婉惜!!! 當我的眼淚在心裡流時, 只能講"嗚嗚嗚, 無咗你點得架~~~~ " 幸好, 最後...
5. 此片的後段係壯麗既沙漠取景, 加埋一座座既金字塔, 令我恨不得盡快去埃及看看...
6. 呢套片交代咗變形金鋼既歷史, 令觀眾能知道一些前因後果.
7. 有一對變型金鋼"雙生兒", 佢哋好鬼過癮.. 係一對孖寶嚟, 好得意~

而我的唔好評語如下:
1. 可能啲變形金鋼多到不得了, 加上佢哋既動作超快. 有時我也唔知究竟邊隻打邊隻? 哪隻是博派? 哪隻是狂派呢?
2. 外國人一向比較熱情, "I love you"呢句說話經常掛在口邊. 但係呢套片, 這句說話卻顯得格外矜貴, 真係有啲無呢頭. 其實, 男方爽快哋講先反而無咁婆媽, 而女方在片中的打扮也非常熱情奔放, 絶非害羞之人, 佢也可以講先. 雖然佢哋絶對已 feel 到大家都好喜歡對方, 但如再係咁拘泥下去, 真係死咗就唔駛有機會講.
3. 大黃蜂今次既戲份好似少咗好多咁. 我反而懷念上一集佢同男主角之間既點點滴滴及友誼.
4. 片中後段, 男主角要行約1公里(還是半公里... not sure)既路程去做一件大事, 但呢part實在拖得有點耐.
5. 男主角在片中處處著緊女主角, 生死與共. 但我認為...在那峰煙四起、爆炸、炮火橫生既超級危險情況下, 女主角應揾一個安全既地方躲避, 好讓男主角專心一致去完成大事.

至於"第一集還是第二集好看?"呢個問題, 我既答案係2集都一樣好看, 因各有各好, 好難比較. 我會給予4.5粒星星.

真不明Yahoo電影, 竟然有人只俾1粒或2粒星星... Too bad!!!

[willy]

呢一集真係痳痳地喇, 都冇乜戲情. 一味打打打, 機械人大晒泠.

不過呢一集取景幾靚呀. 可惜個金字塔比人打爆咗......真慘!

[wayway]

i didn't watch.