WeWeWeb .NET

今日同個friend去了看這套戲. 只可以用一個字來形容, 就係"勁". 有幾勁, 可以咁講, 佢比超人, 蜘蛛俠, 蝙蝠俠果啲英雄卡通片勁得多. 不過留意係三級, 絕對係小朋友不宜既電影. 至於大朋友, 就要有心理準備, 唔好用一個好嚴厲既心態去看, 你就會發現佢係一部好有水準既電影.

雖然套片有些地方係有瑕疵, 但論戲本, 拍攝手法, 演員演技等來評論, 絕對係一部四星作品.

啊... 我一直無留意到呢套片. 看完最高導人既comment, 於是去yahoo影評看看.

嘩, 呢套片都有好多人俾評語喎, 仲有4粒星星添, 唔少人都讚不絶口~ (不過, 佢哋啲字太多, 我都無心機看. 可能自覺時日無多, 唔想再用太多時間去睇佢哋寫乜, 特別是長篇大論果啲.)

睇嚟我要趁未落畫係下星期二去看看先...

今日走咗去看Kick-Ass啲演員既背景, 完來佢地個個都係好有經驗既演員, 唔怪得知個個都咁好戲. 不過其中有一個13歲既小妹妹演員, 在片中叫"Hit Girl", 佢個角好討好, 演得好出色. 原來佢2004已經出道, 肯定係前途無可限量果隻.



至於佢老豆 "Big Daddy", 唔...點解好似咁面善咁既(我一向認人都有乜sense, 係街撞到朋友都未必認到). 如今check翻個佢資料, 先知佢係Nicolas Cage, 唔怪之得咁掂.

所以話一部戲拍得好, 唔一定要用好有名氣既演員, 亦唔一定要比好多錢做CG. 好似最近上影劉德華果套<<本來警察>>, 我就一定唔會睇, 留返啲錢看<<Iron Man 2>>好過.

最後當然要讚一下個導演Matthew Vaughn, 佢導演過好少作品:
1. Kick-Ass (2010)
2. Stardust (2007) <- 呢套我都有看及比評語: viewtopic.php?f=7&t=283
3. Layer Cake (2004)

唔.... 似乎最高領導人好鐘意呢套片, 所以提供咁詳盡資料俾大家參考.

係Youtube條link, 見到Hit Girl 好勁bor... 我第一眼看那個老豆, 都唔認到呀. 可能是最高領導人已透露咗, 所以再看多幾秒就認得出喇!

嘿嘿, 認人無乜sense未必係壞事嚟, 有時認唔到仲好, 因為認到既時候反而會傷心.

<<Iron Man 2>>一定要睇喇! 特別是男主角咁型, 無論男女都喜歡佢, 啱哂最高領導人~

哈哈, 看番<<Stardust>>的評語... 乜原來果時我寫咗咁多嘢! 仲係2007年.. 嘩, 就快3年喇.. 但感覺有如無耐之前既事, 太嚇人!!

唔... 見到最高領導人對此片有咁高評價, 我一定要看啊!

之前既<<怪客多羅羅>>同<<Stardust>>都係最高領導人推介既好片, 我相信呢套都係呢~ 好期待!

我今日睇咗喇... 可能太高期望, 反而有點失望!

唔知點解, 我覺得那個男主角, 由頭到尾都唔勁, 直情係強差人意.... "勁揪俠"呢個名好似有點"浪得虛名"bor. 俾人打到狗血淋頭, 意志上很想做超級英雄, 但始終佢既能力很有限, 只可說是普通人一個, 勉強只能說得個"勇"字... 但那個小妹妹就唔同, 佢老豆由細訓練佢, 心理質素好強, 身手好掂, 擅長各類武器, 有不怕死的精神, 手起刀落, 一點都不留情.

所以, 最高領導人講既"有幾勁, 可以咁講, 佢比超人, 蜘蛛俠, 蝙蝠俠果啲英雄卡通片勁得多.".... 我真係好唔明, R哂頭! 我覺得蜘蛛俠同蝙蝠俠勁好多bor... 唔知我係咪只睇表面既嘢, 忽略咗一啲最高領導人看到此片的神髓.

唔, 呢類打打殺殺的片可能都是較適合男仕看. 對我來說, 某程度上是有點吃不消. 雖然那些壞人好衰, 但人總有惻隱之心, 見到佢哋咁樣血肉橫飛, 都覺得好殘忍.

再加上片中那個男主角及佢個兩個fd, 個look真係"好剎食 "... 尤其是男主角的其中一個朋友, 唔知佢有乜嘢好, 咁都無喇喇有個女仔喜歡佢, 只能說難以想像...

我還是愛看"Stardust"多好多呢~

心裡還是有好多"唔明"!!!

唔, bean, 你一定係冇細心留意部戲, 當佢係一般超人片咁睇.

係呀, 或者我只是睇表面(可能份人太膚淺), 所以暫時感受唔到...

其實我都好想知呢套片的精髓所在....