7月1日有什麼搞作?

[beaniebean]

唔知大家係今日有乜搞作呢? 最高領導人一向好多意見, 唔知有無去到遊行呢?

我本來大把東西等住我去做的. 結果, 我又hea 咗一日...

下午在區內食咗tea, 無喇喇又食埋個dinner. 仲剪咗個短髮添, 諗住清爽啲及整齊一點.

但重點既係... 我今日見到一個人, 佢曾經係一個明星嚟. 以前佢有個好有份量既綽號, 呢個綽號絶對反映佢係一個好靚既人嚟.

我細個時都幾鐘意佢, 因為佢實在係好靚女, 仲係好有氣質嗰隻...

但時而世易, 今日既佢..., 比佢現時年齡老咗好多, 不修邊幅 (可能因佢既遭遇而致)

與同期出道的女星, 佢既際遇真是差好遠. 以佢既姿色, 際遇絶對可以好好, 但無奈...

不過, 從今日見到既佢, 我可以想像到佢曾經是一個輪廓很標緻的女子嚟...

或許, 一刹那的光輝仍是永恆的.

[willy]

7.1 去咗遊街.

人最重要係有內涵. 有個靚既外表, 只不過係錦上添花而已. 試想一下云云眾多歷史人物中, 除咗中國果四大美人之外, 有誰會看重他們的樣貌嗎?

所謂紅顏易老, 幾靚既人都敵不過歲月流逝. 他朝香消玉殞, 留下的也只不過是一堆白骨....

[beaniebean]

唔唔... 隨著我認識最高領導人越耐, 我就覺得佢越有內涵. 佢份人好有原則, 對好多方面既範疇都好有認識, 人又充滿智慧. 所以, 最高領導人係一個成功人仕嚟, 能咁年輕就咁有內涵, 真令人羨慕.

係現今呢個著重外表打扮要靚、身外物要貴既年代(我個人認為呢個社會風氣係呢幾年越來越嚴重), 最高領導人能有咁高層次既見解, 就知佢份人好有深度.

好有型~ 嘿嘿嘿嘿~