嘩, 天仍然好黑, 但非常熱鬧, 人頭湧湧... 未去過真係感受唔到.
跑既過程都幾辛苦, 跑吓又停吓, 但總算比想像中好受, 用了少於1.5小時完成了. 途中曾有幾次差啲絆倒在地, 幸好都無事, 否則就大鑊.
途中看到幾個趣怪情況:
1) 有個阿伯帶了一個雀籠去跑步... 大家可想像到籠內的小鳥係幾咁.... 阿伯實在太喜歡佢既寵物, 可能想帶佢出嚟見吓世面, 又或者唔捨得留番佢一個弧伶伶係屋企, 要影形相隨~
2) 途中見到2個不同的鞋底係地上,.. 嘩, 啲跑鞋真係化學, 個底成塊掉出嚟... 唔知無咗鞋底既參賽者點樣跑番終點呢?
3) 有個別人仕打扮奇特, 可能當作參加嘉年華來趁趁熱鬧; 另外, 我見到有個人帶了一個巨型水泡一齊跑, 水泡上印了一些字, 目的是帶出一些訊息(唔記得是否環保的問題).
回到家中, 發現2隻腳好痛... 實在累爆了, 一ZZZ 便是四, 五粒鐘.
唉, 宜家隻腳仲越來越痛. 左腳就是腳板側邊劇痛, 右腳就膝頭好痛, 現要一拐一拐行路, 有點像殘障人仕.... 聽日情況應會更加嚴重...
今舖不知是否自討苦吃....
今日是28/2, 即是2月份Bridge排名的埋數日子, 但現時實在痛到無心機去努力喇. 唯有3月時再加油, 希望明日看到的排名無一落千丈...
