請大家別要淋到雨

[willy]

日前不約而同的收到一些朋友寄給我的忠告, 內文如下:

"從今天到28號，請大家不要淋到雨。冰島火山噴發，火山灰越過工業污染嚴重的西歐，即將飄到中國，導致750年一次的酸雨，被淋到后患皮膚癌的幾率很高。請大家注意，把這個信息轉發給你身邊的人，做一個有情的人~"

我昨天出外被雨淋到, 就回覆說:

"昨日被酸雨淋到, 唔知會唔會生癌. 好驚."

但給耻笑, 說我咁都信. @@"

分析一下原文, 果然係有晒"網路謠言" (Internet Hoax) 所必有條件:
1) 由一個事實作引子.
2) 有高深(一般人不認識)的科學跟據.
3) 有一些數據支持.
4) 有一些令人不安的後果.
5) 最重要就係叫人轉發出去.

唔, 我果然係傻下傻下, 昨天已經係29號了.

[beaniebean]

嘿嘿... 其實係另一個角度看, 你應該感到高興才啱, 唔駛話自己傻下傻下架, 因為你收到呢個電郵就証明你啲朋友係幾咁關心你呢~

不過, 有時寧可信其有不可信其無. 況且, "不要淋到雨".. 呢個建議信咗亦無妨.

你是個吉人嚟, 萬事逢凶化吉, 不用咁驚驚!

唔, 原來"網絡謠言"有呢5大特點既, 我以後要留意啲先至得.

不過, 如我收到呢類電郵, 我是不會轉寄給人. 事關現今網絡訊息傳放得太快, 不用我轉寄, 我的朋友也會收到. 我還是慳番啲氣好過.

唔, 點解今次無人send呢個"不要淋到雨"的電郵給我既? 可能無朋友關心我了~~~ (算, 收拾心情吧! )