有什麼原因會導致開唔到機?

[beaniebean]

前日... 開了電腦, 但個芒顯示 "No video input", 因見主機的燈仍是著咗及閃吓閃吓, 故懷疑可能是線路問題. 後尾發現可能是鬆了其中一條由芒駁去主機的audio線. 當時已覺很奇怪, 用咗咁耐都無發生過, 點解宜家先出現呢個問題?

點知好景不常... 翌日(即昨日), 竟然開咗機見唔到有燈著. 跟住再試過幾次都係咁... 噢, 天呀! 乜部腦死咗? 嗚鳴, 唔好呀~~~

我想問吓, 有乜原因會導致部電腦開唔到? 近日天氣潮濕, 唔知會否也影響開機?

我懷疑個火牛可能真的百年歸老, 因已有一段時間開機時很嘈.

抬部腦俾那些公司檢查, 最低消費也要數百蚊. 但.... 最傻的是一些小到自己可以處理的問題而懵然不知, 咁那筆檢查費就認真肉痛.

仲有, 晚上去不到weweweb真是有點黯然失落 ~~ No good!

[willy]

可能係火牛死咗, 亦可能係低板死咗, 不過個人覺得後者機會較大.

簡單斷症如下:

1. 正常開機, 看一下火牛的風扇有沒有轉. 如沒有轉, 聽一下電腦內有沒有聲音, 如硬碟機的轉動聲或CPU的風線聲等. 如甚麼聲音也沒有, 請檢查火牛的電源線是否接上及有電力供應.
2. 如接電源供電正常但沒任何聲音, 火牛壞的機會是60%, 主機板壞的機會是40%. 要測試火牛, 請到3. 如電腦有任如聲音, 請到5.
3. 電腦火牛測試法: 最簡單就是找一隻後備火牛, 直接更換測試. (你也可以用後備底板測試這隻牛) 如沒有, 可作以下簡單測試 (請小心), 將火牛連接底板的線(即兩組4pin +24pin) 拔出, 在火牛連接電力線時, 將 24pin上的綠線位和任何一個黑線位連接, 如火牛風扇會轉一會兒, 火牛就是正常. 如火牛有問題, 到電腦商店買一個, $150 - $250, 更換就可以. 如火牛沒問題, 接會主機底板, 請到4.

4. 重開電腦, 看看有沒有聲音: 沒有, 主機板有事, 請人修理(更換). 有, 請到5.
5. 如有聲音, 但顯示器沒畫面. 請留意開機時, 底板會發出beep(beep)之聲音, 正常是一下長或短beep, 但如底板發現問題, 會有不同之beep(beep)聲, . 通常有問題就是一些零件鬆了 (如RAM, Display Card等), 最簡單方法是聽一下個beep code, 再看問題在哪. 通常將RAM和Display Card拔出再插入就能解決問題. 否則就是主機板有事, 請人修理(更換).

[potassium]

嘆為觀止！

[beaniebean]

嘩, 實在太好人了... 要麻煩最高領導人咁詳細解答我的問題, 實在有點唔好意思...

最高領導人的電腦知識實在很深厚, 絶對係一位勁爆的電腦醫生嚟.

估不到Beep聲都有咁多學問...

Pot 講的一句話"嘆為觀止!"... 很貼切呢~

我還是快啲整番好部腦, 咁先可以再去game room 蒲頭.

[beaniebean]

尋日終於拎咗部電腦去修理.

那個職員都測試咗好幾件零件, 最後發現係張Display Card有問題而導致開唔到機.

佢話如唔駛玩3D Online Game, 揀張最平的Display Card也OK, 最後加理檢查安裝費, 盛惠380蚊.

好嘢, 又可嚟weweweb蒲頭lu~~

[willy]

380蚊人工連零件平喇. 果個人真係老實. 哈, 怪不得IT人冇發達.

[beaniebean]

係呀... 我都覺得價錢合理.

因那間舖的窗櫃擺咗好幾款Display Card, 明碼實價. 佢無叫我買啲貴嘢, 話最平嗰款已夠我呢類用家使用.

佢都整咗部腦約45分鐘. 檢查及裝咭費只收50蚊. 我都覺得抵.

嘿嘿, 好多IT人都好發, 上咗岸好耐lu~~

[potassium]

邊間舖頭咁老實？值得推一個

[beaniebean]

那間舖在我住的區內, 要乘小巴約10分鐘才到...

Pot, 你有興趣的話, 我可俾啲地址給你, 但要山長水遠入嚟, 就有啲辛苦喇.

[willy]

唔好講車費, 就算抬部腦山長水遠去咁遠都瓜得. 建議各位, 識多幾個IT朋友, 咪可以揾佢地免費上門幫你手, 唔駛咁辛苦, 部腦拿來拿去囉. 不過女士們還要注意一點, 朋友還朋友, 但千其唔好做男朋友, 因為啲IT男一般都好老實, 冇乜機會發達 (除中六合彩例外).

[beaniebean]

最高領導人建議的方法(識多幾個IT朋友免費上門幫手)梗係好正啦.

但... 如當人哋係朋友既話, 就唔會叫佢做阿四, 事關人哋出車費出力又出時間, 都好come計. 所以, 如當人哋幫完手後, 係我既話, 就會自動自覺請番人哋食飯先可至夠friend , 咁才可表達一點點謝意嘛.

至於最高領導人話IT男一般都是老實... 唔, 我不是IT男, 呢點我就唔知是否屬實. 但過往都有唔少報導話啲IT人犯案既新聞, 還有我們經常都面對的黑客, 都是很強的IT人嚟. 對一般小市民來說, 大多只識一些電腦基本知識. IT人可以用其他我們不懂的IT方法去做壞事, 可能做咗都無人會發現. 因此, 一個人是否係老實, 都要睇番佢既本質.

嘿嘿, 似乎"嫁個發達人"呢個思想對最高領導人嚟講已根深蒂固. 但呢個世界的發達男並不是很多, 所以女仕們還是面對現實會好一點.

找個你喜歡而佢又對你好的男朋友已是一件很幸福的事. 如一定要找發達男做男朋友, 咁有可能會孤獨終老. 歲月不留人, 到時後悔莫及, 無人會幫到你.

[willy]

"找個你喜歡而佢又對你好的男朋友" 唔係好幸福, 而係好辛苦既事. 正確點應是說, "找到個你喜歡而佢又對你好的男朋友" 才是幸福呢. 有些人, 一生勞勞碌碌, 尋尋覓覓, 到頭來還是......

[beaniebean]

嘿嘿, 最高領導人實在太強, 連語法的運用都咁有研究.

我的句子與最高領導人修正後的句子, 看上去好似無乜分別...

最後, 我要看了幾次才知原來個分別在於個"到"字...

唔, 最高領導人講的說話實在好啱... "找"同"找到"實在有很大分別. 前者確是辛苦, 分分鐘得個吉, 後者才是幸福呢!

肥Bean對最高領導人既字眼用詞可以咁精確, 實在甘敗下風. 所以有乜事情要爭論, 一定唔夠最高領導人講, 最終也被最高領導人說服的... 無計~~

最高領導人講的"有些人, 一生勞勞碌碌, 尋尋覓覓, 到頭來還是......
"確係事實嚟. 但現實中也有唔少比較奇怪(或機會微)的開花結果的個案發生... 唔, 整定佢哋有緣份吧~~