尋舊玩家！

[potassium]

你哋好耐冇開過枱玩XWORD喇！！！

wayway，你去咗邊呀？？
hkjcalex，你去咗邊呀？？
benson，你去咗邊呀？？
sunkist，你去咗邊呀？？

[willy]

XWord? 可能係阿Pot妳太強, 嚇親班男士們

[potassium]

唯一嘅解釋係

[beaniebean]

Potassium小姐, 真係好感動, 而家識得念舊既人唔係好多。我睇過XWord既說明, 不過唔係好明 , 好似好難咁, 可能係我資質差。由於你係呢樹既版面管理員, 請問玩XWord要否英文有翻咁上下? 對初學者嚟講, 會否好難?

我都會間唔中上吓嚟呢度, 希望你能多啲同朋友仔上嚟, 呢樹既人氣靠你喇。

[willy]

beaniebean 我有一個問題想問你:

你係唔係 阿pot 個妹?

[beaniebean]

哈哈哈, 點解咁問?

另請問呢樹既招牌Game係邊個? 因為我未玩過呢啲Online game, 故最初入到去唔知點玩。但經過一輪亂搞啲button後, 頭先終於玩咗舖波子棋, 都幾得意。我諗我要印哂啲遊戲說明出嚟慢慢消化, 然後同電腦練習一翻之後, 先至敢同你哋玩, 費事我慢吞吞咁, 阻住個地球轉。

仲有, 我有以下問題想問 :
1) 請問呢樹啲Online game係咪網主自己設計?
2) Sogoban呢個遊戲點玩? 係邊度可以睇到遊戲說明?
3) Trivia呢個遊戲入唔到去? 係咪已經離開呢個世界?

我係一個有好多問題問既人, 希望唔好見怪。

[potassium]

beaniebean你好！很高興有人對xword感興趣！其實xword即係某著名拼字遊戲scrxbble (網主willy話唔好講名喎，如果唔係俾人告呀)~

玩呢個game，英文好當然有幫助，因為隨時都諗倒d生字嘛
但記性都好緊要！
只要你玩得越多，睇倒人地出咩字，又記得的話，自然就得心應手架喇！

其實齋睇說明緊係難明啦
不如搵個時間一齊開返局，live time教你玩仲好啦！

我自命係weweweb xword嘅trainer！最鐘意教人玩xword!

[beaniebean]

Potassium, 真係好好好...多謝你。你肯花時間教我XWord, 好感動呀!!! 有你簡單說明一吓, 即刻"叮"一聲明白咗好多。不過, 我都要自己鑽研一番先再請教你, 唔想麻煩你太多。

我都好期待開番張枱同你切磋吓, 能夠同高人過招, 肯定獲益良多。當我準備好既時候, 我會係呢度約你, 希望到時你得閒啦。

Once again, many thanks for your kindness.

[willy]

回beaniebean幾個問題:

問你是否阿pot個妹, 因為你好像是來 "做妹"

此網內的遊戲是網主設計, 當然親愛的會員也給了很多寶貴的意見.

Sogoban很易玩, 只需把所以箱仔推到圈圈地板就可以過中關, 非會員可玩1至10關, 會員可玩100關. 但要注意只能向前推箱仔, 不能拉.

Trivia 不是接了, 只是一些技術問題, 過一兩天可以修復. 多謝你的報告!!!

[potassium]

willy!!!!! 你家陣係咪唔抵得xword有人賞識吖！

beaniebean緊係唔係妹啦！

因為beaniebean係我！其實係我做緊獨腳戲！

[beaniebean]

噢, 我憑直覺講既說話, 竟然搞到呢個網站既兩位高層Willy同Potassium有小小既磨擦(講笑啫)。

老實講, 經過我數次同Potassium係呢個網站既對話, 我就知我既直覺應該準確。Potassium真係一個念舊既人, 而且好落力為網站叫啲舊玩家"返來囉", 仲提攜XWord既後輩。真係呢個網站極之難得既會員!!!

Willy, 唔好意思。我今次要企係Potassium嗰邊。 請你唔好再話Potassium"做妹"喇!

[potassium]

haha，beaniebean你唔好誤會，我並唔係weweweb嘅高層，我只係嗰啲多多要求又yim尖聲悶成日想willy改呢改路嘅老人玩家之一！想當年我讀Year 2時喺電腦lab度一路上堂一路weweweb，諗起都令人懷勉！

beaniebean，你唔好怪willy喇，「搵人做妹」係willy口頭蟬，冇辦法啦，weweweb成日水靜河飛，willy冇晒自信架喇，哈哈哈！

唉，嗰啲舊玩家，當年已經老我一截，而家都唔知去鬼晒邊樹咯~~~~~悲~~~~

[willy]

舊玩家老你一截, 只是個別個案. 其實大部分玩家都同你青梅竹馬

其實weweweb到今時今日都唔接, 全係多得大家口既支持. 好似阿pot咁, 佢唔係高層, 不過不離不棄咁支持, 真係好難得.

阿pot你有心喇, 我唔會因為weweweb沒有人而冇自信. 最多只是沒有以前那樣熱心吧了.

[beaniebean]

Oh, I see. 睇完你哋既message, 我又有嘢想問Potassium:

1) 你俾咗咁多意見出嚟, 請問你有無份develop呢個網站或遊戲?

2) 我估你係呢個討論區既第一位會員, 相信你同網主既交情好深厚。請問你係咪網主既死黨? 定係佢"青梅竹馬"既同門師妹? (Hahahaha …)

3) 你一路上堂一路玩Online game, 真係好勁, 可以一心二用, 相信當時你係一個好聰明既學生。請問你之前係咪讀IT field 既嘢? 宜家你係咪IT人?

4) 係Online game room入面有36張枱。假設每張枱可容納4個玩家, 咁即係最多有144個玩家一齊玩。請問嗰度最多可容納幾多個watcher? 我想知有幾多人先至會迫爆個room。據你過往既經驗, 最多有幾多個人同時係個room裡面?

5) Online game room有得揀公仔相(如: XO, Winnie the Pooh, ...等等)。Hahaha, 呢啲係咪你既cutie idea? 請問可否加入Keroro, Tamama, Kururu, Giroro同Dororo既可愛相俾會員揀?

6) Online game張枱無得maximize, 有部份game啲字幾細, 我有時老眼昏花, 睇唔清楚。請問張枱可否整大啲?

呢個網站水靜河飛? 恕我直言, 我都有同感。其實兩三年前, 我已知道有呢個網站既存在。當時初嚟報到, 十吓十吓, 完全唔知呢個網站做緊乜東東, 瀏覽咗一陣就閃走咗。好彩呢度有你咁健談。如果唔係, 我就好似患上思覺失調咁, 自己同自己講嘢。

仲有, 網站有啲地方既linking失靈, 有少少日久失修既感覺。如果可以既話, 請Potassium幫幫手撥吓扇, 把Willy嗰顆快將熄掉既熱心吹番起嚟 (Hahaha...有啲似去BBQ咁...)。

Willy, 你一向好大方, 且自信心一直高企 , 應該唔會怪我咁講。

[potassium]

willy作死你牙，難得俾我認吓細都唔得！況且呀，我join嘅時候正值花好年華，引嚟幾多後生仔嘅垂涎呀！哈哈！ (死未？！)

阿bean妹，實情我都唔係weweweb開發期間嘅要員，都冇乜意見俾過，見你咁organised，等我逐一回答你問題啦：

1) 我冇份架！我都唔識！willy一手包辦！我負責玩！

2) 討論區我好似係頭幾個掛？呢度都冇乜人嘅~ 我都係呢個月先上返嚟，先發現自己係xword版面管理員！haha！！
我同阿網主都係喺度至識架咋，阿網主就係「個別地年紀大我一大截」嘅例子喇！哈哈！！

3) hahahhaha... 邊個話我一心二用，我上堂時掛住玩xword，都冇聽書！好專心weweweb架！ 但我唔係IT人！相反地我係文人！！哈！

4) 呢度邊有咁多人嚟吖！最多咪一次過得嗰20個？willy可~ willy，呢題你答啦，Maths呀！BTW，有d game可以坐6人架，例如marbles囉~

5) haha，本人一d都唔cutie，呢個idea係舊玩家Benson架好似！d pics都係佢提供，所以好鬼舊！嗰陣willy話歡迎提供圖片架！不過阿willy而家都幾近心灰意冷，你好lurr吓佢做啲嘢喇

6) haha，問willy啦~ 一改要改好多嘢，同埋當時好似因為科技未發達，佢話好似係suit返d 細「芒」嘛

我都好耐冇login喇~~ 都冇人同我玩，而且以前晚晚喺度玩通頂都係學生時代喇，家陣要返工，都冇精神玩咯

不過我而家多數都會喺weweweb開張snooker枱~ 唔玩都可以賺gold嘛，haha~~~~~~

Bean妹，實不相瞞，以前我哋 (一眾常客玩家) 都好少喺呢個留言版chat，多數都會喺game room chat~ 你有時間不如login去game room啦~~~ (不過記住入咗game room唔好close原本個browser喎，否則個game room都會close埋~)

有機會game room見！！