歐元爆信心危機 見 1.22創 4年新低 差過雷曼倒閉時

[willy]

歐元跌咁多, 大家又可以快快樂樂遊歐洲, 做個大豪客!

不過我之前買咗果啲歐元就輸死....鳴鳴....唔知土耳奇用唔用歐元呢.

"歐洲債務危機陰霾揮之不去，加上歐洲央行行長特里謝承認區內正面對二次大戰以來最嚴峻危機，敦促成員國管治上要作出巨變（ quantum leap）力挽狂瀾，顯示市場正爆發歐元信心危機，拖累歐元昨日連雷曼倒閉引發金融海嘯時的低位亦失守，跌至 1.22美元的 4年低位。儘管歐元之後從低位徘徊，不過，專家普遍認為，炒家所累積的空倉創出新高，估計歐元危機仍然未解除。..."

Source: http://hk.apple.nextmedia.com/template/ ... d=14041401

[beaniebean]

唉, 對上一次去已是2007年, 當時歐元都唔平, 搞到窮到燶咗一段時間, 所以呢幾年都無乜意欲再去喇! 雖然歐洲好多地方都未去過, 但真的唔知幾時會再去... 事關我心裡面未來幾年想去的長線團暫時只有埃及、紐西蘭及印度.

最高領導人, 你不用鳴鳴架! 我估你手上的歐元只是平咗5-10%... 好快會升番, 你咪留番去北歐先用囉! 你可能還要趁低就快啲入定貨喇... 嘿嘿~

至於土耳其, 好似都會用歐元, 但主要都用土耳其弊及美金. 我上次去都只是帶了美金, 到了當地機場只換了約一千蚊土耳其弊...

至於換幾多土耳其弊才夠, 領隊話因人而異, 可以幾百蚊又得, 千幾二千蚊又得... 如跟團的話, 自費活動都是收美金的.

低額的交易(如在超市購物)都用土耳其弊就最方便... 仲有, 去廁所大多要俾錢架... 由土耳其弊 $0.5 - $1.5不等(通常收$1), 所以每次上車前不要飲咁多水呀! 正所謂慳得一蚊就一蚊, 啲錢駛係廁所到, 係有啲肉痛... 但人有三急, 都無計.

[willy]

唔...bean, 你全今次用"肉痛"就用得啱喇. 唔知$1土耳其弊=幾多呢, 如果係1港元, 咁都ok既. 去廁所, 唔省得架...由其是好似我習慣咗飲好多水既人.

[beaniebean]

嘿嘿.... 去廁所, 無港弊1蚊咁平呀! 但又無歐洲咁貴既~

我要返家看看才知當時個對換率...

[beaniebean]

揾番張單出嚟, 原來當時US$150換到土耳其幣$213.47.

假設US$1 = HK$7.78, 咁即係土耳其幣$1 = HK$5.47.

我見到當地多數廁所的收費是土耳其幣$1, 很少數才會收$0.5.... 嘿嘿, 用港幣約$5.5去一次廁所, 都真係幾貴bor.

[willy]

而家跌咗啲, 4.9港元以對到1土耳其元.

[beaniebean]

嘩, 乜跌咗咁多既...

哦, 宜家去土耳其, 應該好開心啦~ 真羨慕呢!