終於試咗棉花冰喇~

[beaniebean]

我好耐以前係雜誌見過棉花冰的推介, 看落去好軟綿綿咁, 一直都好想試吓.

尋日終於俾我試咗喇... 事關同啲同事去咗九龍城食泰國嘢, 之後就去咗呢間"五代同x"既甜品舖食甜品.

我叫了一個"楊枝甘露雪沙冰"($35), 份量都唔細, 軟綿綿的棉花凍伴著芒果汁、柚子肉及芒果肉...雖然柚子肉有啲苦澀, 但整體上既感覺好豐富!! 食完覺得好滿足... 正呀~

那間甜品舖仲有好多特色既甜品. 頭先係openrice查過, 好多人話佢既"心太軟"好正... 原來佢都有幾間分店, 其中一間係CWB. 噢, 點解我一直無留意架?

唔知最高領導人有無食過棉花冰? 有無試過呢間甜品舖?

最高領導人好愛吃甜品... 如無試過既話, 就一定要快啲去試呀~ 食甜品確實係令人好開心. 一向開心的最高領導人食咗甜品後會更加開心... 嘿嘿!!

頭先係網上看過... 唔少人都推介"元朗綿xx甜品屋"及"糖x府"既棉花冰好正.... 好期待有機會去試.

[willy]

冇試過, $35既甜品對我來說係奢侈品. 如果朋友叫我食甜品, 我通常都會叫12蚊一個果啲. 你呢排真係好喜愛吃呀, 九龍城啲咁偏遠地區都去到.

[beaniebean]

唔唔... 最高領導人, 我相信你係不久既將來, 你好大機會會試到棉花冰的, 希望到時你喜歡食啦. 嘿嘿嘿嘿~

其實我很少食甜品, 價錢也通常少過$30, 但難得有機會試試, 咁都OK既.

當然, 成日食甜品(特別是$30以上), 都會肉痛架.