相比之下, 我還是喜歡上一集, 事關上一集有幾個情節, 我覺得幾特別.
至於今集, 我有以下小小的意見:
1) 今集加入了新的女主角(彭妮露古絲), 幾有新鮮感. 我好耐以前已睇過佢做戲, 覺得佢做得好好. 如果大家有機會既話, 可看回佢既舊作<<浮花>>, 係一套幾有戲味既小品.
2) 今集有美人魚, 仲有咁多隻呀! 大部份都係靚女嚟, 特別係第一隻出現既美人魚. 細嗰既時候讀<<美大魚>>呢個童話故事就讀得多, 今次算係第一次係銀幕見到, 美人魚上咗岸後條尾會變為腳, 同童話故事一樣.
3) 積克船長確實係一個幾有深度既浪子嚟... 其實佢心裡都幾重視個女主角, 所以當女主角中咗毒, 佢就二話不說把一直追尋既"不老之泉"泉水給女主角飲. 不過, 浪子始終係浪子, 一隻無腳既雀仔係好難會停低下來, 做船長四處漂泊先係佢最鐘意做既嘢. 有時, 我覺得最高領導人同積克船長都有幾分似, 事關佢哋都係好聰明及好有智慧既人嚟, 而且一樣都係好有型既浪子, 只不過佢哋鐘意既範疇不同(做船長 vs 打怪怪).
4) 臨到最尾完場時, 觀眾都走得七七八八, 但眼見有幾個人唔肯走, 我就係到估會否播哂片尾後會有嘢睇呢?? 結果, 等咗好耐好耐, 終於出現了只有幾秒既一幕.... 女主角係沙灘好無mood地呆坐, 突然間發現了一"積克船長"既公仔(俾人扔咗落深淵嗰隻)隨著海水沖上岸邊... 嘿嘿, 憑著呢個公仔, 大家就可以估到... 女主角同積克船長係下一集應會再續前緣....
結論, 此片係大製作嚟, 絶對值得去看. 但其實此片可不用3D, 一來票價可以平宜啲, 二來做了3D也不是很特別.
不知最高領導人最鐘意邊一集呢??
