Postby willy » Sat Jan 14, 2012 3:08 am
今日(昨天)終於看咗呢套片. 之前看咗一啲評論, 感覺上佢冇MI4, 咁好, 所以先排到咁遲看. 但當我看完之後, 反而覺得佢比mi4好.
呢套片大家可能會覺得佢好多對白, 相對動作會少咗. 而佢又係講十九世紀中葉, 相對要求既科技要求亦少咗, 咁對一啲只追求動作既人係略嫌不足. (其實佢比第一集既動作係多咗既) 個人覺得, 呢套片個編劇比mi4好得多. 福爾摩斯與佢既死對頭毛利亞提教授(Professor James Moriarty) 既鬥智鬥力既戲情係寫得好細膩同精彩, 觀眾就好似看著兩個人既對奕, 未到最後一步都唔知鹿死誰手.
片中福爾摩斯同華生兩個演員都很出色, 很人性化. 如果你對比一下mi4, 你就會覺得湯仔既演技冇佢地咁好, 活像一個"冷面超人"一樣. 福片本身都加插咗多笑位, 很自然, 唔會令人生厭. 另外佢用咗好多慢動作拍攝, 個人對這種手法去拍攝動作片係比較受落, 比教深刻既片有<<Matrix>>,<<300> & Biohazard Series等. 都係用慢動作去美化動感鏡頭.
最後一提就係佢佈景同取景都非常之出色, 觀眾有如置身於十九世紀中葉的歐洲: 殘舊, 宏偉, 浪漫集於一身.....
如果說MI4係可樂, 福片就係泡茶. 為什麼呢? 可樂係好好飲, 但你飲完就冇. 但泡茶雖然味道比較清淡, 不過飲完之後你可以將茶葉翻泡....餘香渺渺..