龍門飛甲 (Flying Swords of Dragon Gate)

[beaniebean]

我已買咗戲票明日看<<龍門飛甲>>... 啱啱睇咗以下新聞... 佢講到陳坤係戲入面既幽默感迷倒好多女影迷... 真的咁勁?? 我覺得最高領導人的幽默感也好強bor.

我阿爸其實都好喜歡看武打片, 但佢唔鐘意戴那副3D眼鏡, 所以堅持不看3D片. 我在網上找了很久, 呢套片好像沒有非3D版. 真的好可惜.

我覺得戲院應考慮在個別時段上映非3D版, 俾多些選擇給觀眾, 而不是焗住啲人一定要看3D. 我相信非3D版也大有市場.

《龍門飛甲》內地票房3.7億封蝕本門 (2011-12-27 )

【明報專訊】電影《龍門飛甲》在內地票房前日突破3億元人民幣（下同）大關，導演徐克與陳坤舉行慶\會。外界將該片與《金陵十三釵》比較，票房暫時《十三釵》略高，不過《龍門飛甲》有後勁，以3000萬美元（約2.33億港元）的投資額，內地票房破3億元（約3.7億港元）已封蝕本門，並有信心《龍門》的票房在元旦假期繼續創新高，他們更看好《龍門飛甲》在年底為國產片打一場翻身仗。

徐克與陳坤發覺不少觀眾第二次看《龍門飛甲》，有女影迷偕丈夫捧場，但仍忍不住大讚陳坤在戲中的幽默表現，為他着迷了。陳坤被讚到不好意思，他笑說：「希望她的丈夫也喜歡我！」徐克呼籲觀眾要看此片兩遍才會發現更多。...

Source: http://hk.movies.yahoo.com/news_detail. ... 9b2bd74af4

[willy]

<<龍門飛甲>>個名咁怪既? 不過我應該唔會看.

[beaniebean]

呢套片既導演係徐克, 演員則有李連杰、周迅、陳坤、桂綸鎂、范曉萱及李宇春.

我都覺得個片名好怪. 但阿媽話導演係徐克, 所以我先突然有興趣去看.

[willy]

咁你看咗未呀, 好唔好睇?

[beaniebean]

星期三睇咗喇~

首先要講的是... 呢部戲既電腦特技及3D都做得好假.

但劇情都算唔錯, 最估唔到的, 就是表面係弱者既人, 原來一直只是扮嘢, 仲要係差不多到尾聲先揭露出來.

我唔覺得陳坤在片中好有幽默感, 上述新聞話佢迷倒唔少女影迷, 這點未免太誇張了. 一如我所料, 最高領導人既幽默感比佢強好多. 不過, 陳坤一人分飾兩角, 都幾有發揮, 特別是做西廠總督(太監)一角, 又cool又奸又帶點乸.

眾角中, 我最喜歡是周迅所演的角色. 佢好喜歡李連杰所演的大俠, 為咗尋覓李既踪影, 周一直在江湖漂泊, 對佢不離不棄. 我最喜歡的就是呢份堅持. 另外, 桂綸鎂所演的韃靼女子, 都幾有趣, 同佢平時既造型有幾大分別. 佢在片中要講韃靼話, 好似外星話咁.

至於武打動作方面, 都算OK. 但因用了電腦特技, 所以有部份動作其實都幾假.

片中有解釋"龍門飛甲"既意思, 看過套片便會明白. 但如要我講番出來, 我又唔知點講... 嘿嘿..

結論, 電腦特技及3D令此片扣了很多分, 看不看也無妨.