那個從魚缸拍出來的視覺效果, 又幾特別喎. 小孩子演得自然, 很有童真, 佢講嘢嗲嗲哋, 很可愛呢. 至於另一對少男少女既愛情, 拍得清新, 現今社會很難找到呢啲純真既情感.
那個年代看來充滿人情味, 各家各戶一齊係條小巷開枱食飯. 那些街坊街里...你夾吓我啲餸, 我又夾吓你啲餸, 很有種sharing的感覺. 其中一檔裁縫店內有電話, 店主很樂意借電話俾街坊用, 又不厭其煩幫人做"接線生". 現在, 你未必會知鄰居姓乜, 亦連打招呼都未必會.
片中最令我有深刻印象便是月餅會. 我記得年幼時屋企都有供月餅會, 但呢樣"供月餅會"好似係1990年左右已唔興. 當時, 月餅好似幾矜貴, 小朋友都喜歡食. 但時移世易, 宜家啲人見到蛋黃及蓮蓉都驚驚, 怕肥又怕膽固醇.
不過, 自從戲情講到大仔患咗.... 之後, 眼淺的我就未停過
. 實在太慘!!! 或許, 近排一位好友身體唔係好掂, 實在很擔心佢. 一時觸景傷情, 更覺傷感. 某程度來說, 我都好驚佢好似片中既大仔一樣, 即係時日無多嗰隻, 我唔知仲有幾多時間可以見到佢. 那種"永遠別離"的感覺係最令人心酸的. 雖然, "人總有一死", 但都唔駛咁後生就要別離. 人都去咗, 你想對佢好都無機會了... 我一諗到呢點, 就很有遺憾的感覺.
片中有句說話..."難一步, 佳一步"及"做人要信自己"... 寓意生命中總有難關, 但難關過後會步入佳境. 唔, 君子要自強不息.
如大家都係眼淺的話, 咁要帶多包紙巾入場喇~